Muolvaiphei, December 5, 2021, Virthli (ONP): Independent Church of India in “PATHIEN HMANGAINA'' (Johan 3:16, Phil 1:2) thupuia
hmanga December 1-5, 2021 hun sunga Muolvaiphei ICI Biek In-a General Assembly a vawi 72-na an hmang chu a lo ṭumṭiek tah. Hi huna hin Presbytery hrang hrang a'nthawka fe khawm Palai mi 223 han Executive Council Hall, ICI Secretariat le Muolvaiphei ICI Biek In-ah Executive Council le Assembly Session neiin ro chi tum tum an rel.
December 5, 2021 zân inkhâwm huna Out-going Moderator- Rev. S.K. Songate in Incoming Moderator - Rev. H.B. kuomah charge an hlan a, Rev. Zathangsing Zate, Secretary, Finance in Moderator thar - Rev. HB Hluothang le Vice-Moderator thar- Upa Dr. H.L. Liensang hai tawngtaipekna a nei.
General Assembly huna hin Rev. Lalneikhup Hmar, Secretary, Ministries, ICI in Ordination service hunser a hmang a. Probationary Pastor hai: Richard Rosiemlien, Mesakthang, Jehova Lalramsiem, Hranghminglien Varte, Gospel Lalkanthar le Edward L.R Biete hai chu Pastor dinga nam det an nih.
General Assembly Secretary in Pensioners hai inhmelhrietna le Pension Service hunser a hmang a, hi huna hin thawktu: Ms. Darthangmawi, Women Co-ordinator, Rev. Lalnghillo Thiek, P/S, Jiribam, Rev. Lalfellien, P/S, Meghalaya East, Pastor Neichawngthang Sungte, Awptu Pastor, Rengkai le Mrs. Lalramthieng, Clerk, Sielmat Bible hai khawm pension pêk niin an rawngbawlnaah thang an suo leiin Chawimawina Thangsuopuon insiltir an nih.
Hi huna hin Assembly Musical Board in Solfa exam naa Intermediate zo thar- Tv. Matthew Amo le Diploma zo thar- Pu L.Z. Hmar hai Certificate an inhlân.
General Assembly hmang a ni sung hin Rev. Evan John, AEAL & YCO, Rev. Lalrohluo, P/S, Meghalaya West Presbytery, Rev. S.K. Songate, Moderator, General Assembly han Pathien thucha ropui tak tak el an hril a. ICI Central Choir, NPT Choir le Blessed Choir hai a'nthawkin inpâkna hlapawl ngaithlâk a nih.
