Muolhoi, September 28, 2021, Virthli (ONP): Indian Open Mixed Martial Arts (MMA) Championship 2021, Indore, Madhya Pradesh hmuna inkhêlnaa 55-60 KG (Fly Weight Division)-a Champion (Gold Medalist), Tv. Alfred Z. Faihriem le hî inkhêlnaa zu ṭhang ve, Emmanuel Songate le James Inbuon (Coach) hai chu vawizân khan Pu Ngamrothang Hmar, EM, NCHAC-in ropui takin Zawlbûk Cafe-ah lâwmpuina hunser hmangpuiin thlaithlêng a kîlpui. Hi huna hin Pu Ngamrothang chun Alfred Faihriem ta dinga infuina thu ṭha tak tak hrilin, hma tieng peia a ṭûl le pawimawna haia ṭhangpui pei a tum thu a hril. Insûmtheina, tumruna le taimâkna neia hma la zawm pei dingin a ditsak thu a hril lang bawk. Indore hmuna MMA Championship 2021-a an ṭhang ṭum hin Pu Ngamrothang hin an fe le hungnaa hai inphal takin kut a lo rawl ta bawk a nih.
Tv. Alfred hi tu kum November thlaa Kazakhstan-a Mixed Martial Arts Federation (MMAF) World Championship inkhêl um dinga hin India Team-a ṭhangin a'n khêl ve ding a nih.
