CCpur, September 26, 2021, Virthli(ONP): Sawrkar thusuok dungzuiin IAS officer thenkhat sawnkuol an nia, hieng hai lai hin Pherzawl DC ni lai mek Pi Mannuamching, IAS chu Additional Secretary (Horti & SC/Coop) sin chel dinga sawn niin ama aiawtu dingin Ukhrul DC Pu Joseph Pauline Kamson, IAS chu Pherzawl DC thar dinga ruot a nih.
Pu Joseph Pauline Kamson, hi 2015 kuma IAS conferred a ni a, Pu Paul Poujeipou Kamson le Pi Khangduanliu of Awangkhul village, Tamenglong hai naupa a nih. Pu Joseph Pauline Kamson a unaupa Norbert Disinang Kamson khawm IAS tho niin Zeliangrong hnam sunga ding chun sungkuo pakhata IAS officer pahni um hmasatak an nih.
