Responsive Ad Slot

MMA CHAMPION TV. ALFRED L FAIHRIEM ROPUI TAKIN MUOLHOI A LUT

Wednesday, September 15, 2021

/ Published by VIRTHLI

Muolhoi, September 15, 2021, Virthli(ONP): “Indian Open Mixed Martial Arts (MMA) Championship 2021” Indore Madhya Pradesh a liemtah Pathienni a inkhelna a 55-60 KG (Fly Weight Division) a Champion (GOLD MEDALIST)  Tv. Alfred Z Faihriem chu ropui takin vawisun khan Muolhoiah lawmlut a nih



Tuta ṭum hin Assam state mi ama chau hi lawmman dawng phak ve ani leiin United Assam Mixed Martial Arts Association Assam (UMMAA) thuoitu haiin Guwahati Railway stationah ropui takin an lo tuok a, chawimawina an nei bawk. 


Tv. Alfred Faihriem le Coach hai hi New Haflong Railway Station ah Muolhoi Val-Upa le VDP hai inrawina hnuoiah nunghak tlangval le mi tamtakin lo hmuok ani a, New Haflong a inthawkin mawtawr a hung zuiin ropui taka Muolhoi hung sawm lut a nih. Muolhoi a hin CH Khawthlang Memorial Hall-ah Hmar Inpui Assam Hills Region inrawina hnuoiah chawimawina hunser hmang ani a, hi huna hin Inpui Affilated Organisation hai popo hieng HSA, HYA, HWA, HPU, HPC(D) AR haiin chawimawina thilpek hai an inhlan a, ama ta dinga tawngtai pekna nei a ni bawk.  


Tv. Alfred hi tukum November 2021, Kazakhstan a Mixed Martial Arts Federation (MMAF) World Championship inkhel um dinga hin India Team a ṭhangin an khel ding a nih. Khawvel huop inruolsieknaah India ram aiaw a zu’n khel ve ding a nih. 


Alfred hi Pu Joseph Faihriem le Pi Sencha hai nau upa tak a ni a, Class-IX inchuklai niin, “Inbuon Muay Thai” Muolhoi a Martial Arts hi inchuk lai zing anih. Ama Coach hi Tv. James Inbuon a ni a, James hi Dima Hasao District MMA Association a General Secretary chellai mek ani bawk a nih.












Don't Miss
© all rights reserved
made with by Simon L Infimate