Jinam Valley, August 21, 2021, Virthli (ONP): Vawizan tieng khan Jinam Valley biel a khaw tin hai ta ding le Pastor Quarter tina inthut ding Sintax (tui siekhawlna) chu thawk khatna dingin Jinam valley phur tlung alo ni tah.
Hieng tui siekhawlna hai hi bieltu MAC Pu Zosumthang Hmar hmalakna zara hmu le dawng anih. Block 1 & 2 hai khawm a bat bata sem pei dinga riruong a ni bawk anih.
Biel mipui hai chu Pu Zosumthang chungah hin an lawm hle a. Hieng ang tui vang hun le mamaw huna khawsungin tui siekhawlna remchang em em hmang thei ding an dawng hi bieltu MAC chungah lawmthu an hril bawk anih.
