Haflong,August 21, 2021, Virthli (ONP): Hmar Youth Association NC Hills Joint Headquarters chun ni danga a lo thaw ta hlak angin In kâng ṭhangpuina Pu Remmawi Ngamlai kuomah sumfai in ₹.36,440.00 (Thirty six thousand four hundred forty) an hlân.
Liem tah Ni 21 June 2021 sun dar 2:00 bawr vel khan Pu Remmawia Ngamlai Buolmuol, Harangajao chu a in sung hmangruo iengkhawm keidawk hmanlo in a kâng a, hi ni vek hin HYA Buolmuol Branch chun thei ang angin thuomhnaw le sumfai in a lo ṭhangpui ta a, hi kângmei leia siettuok hai ṭhangpuina ding hin HYA NCH JHQ chun theitawp suo in Branch tin hai baka mi tlawmngai hai zawngin sum ṭhahnem tawk tak a hung inlawi hi hun remchang zawngin vawisun ni 21 Aug. 2021 hin HYA NCH Jhq. ṭhuoitu hai chun Pu Remmawia Ngamlai hai an chengna Buolmuol ngei a zu fe in pawisa sumfai hi inhlânna an zu nei a nih.
NC Hills puotieng a'nthawk a tlawmngai taka pawisa sum hung thawlawmtu HYA Tuolbung Branch ₹.700.00 le Upa Laldawnlien Varte President HYA Gen. Hq. ₹. 3000.00 an ni chunga hin HYA NCH Jhq. Chun lawmthu a hrila, chun Branch tin le mimal tlawmngai taka hi Pu Remmawia inkâng țhangpuina a hung thawlawmtu hai po po chunga lawmthu an hril bawk.
