Responsive Ad Slot

Hmar Inpui Relief Cell in Lower Kharthawng Biel ah Relief Bufai a sem

Friday, June 25, 2021

/ Published by VIRTHLI

Haflong, June 25, 2021: Hmar Inpui Relief Cell Assam Hills Region chun nikum Lockdown a’nthawk a, Relief Bufai a sem chu sunzawm peiin, zani 24 June 2021 khan Lower Kharthawng Biel sunga khuo a hai hin Relief Bufai hi sem a nih.



Hi Bufai semna kawnga Hmalatu a bikin Hmar Inpui Assam Hills Region in nikum a alo indin Hmar Inpui Relief Cell chun mipui le organisation dang dang a hai tlawmngai zawngin Hripui inleng leia sungkuo harsataka um hai țhangpuina chu nikum a’nthawk khan a lo țan ta a, tuta țum khawm hin Lower Kharthawng Biel chawngpu Pu Ngamrothang Hmar EM NCHAC, hin kawng iengkim a Bufai lakna a sum a hung belsa baka, a tawlna hai chen ngaituo in, HIRC hai khawm fe le hung fak le dawng kawng iengkim a buoipui pek in, ama ngei khawm hi hun pawimaw tak hi a țawiawm bawk.


Khuo țhenkhat infe pawna harsat leiin a remchang ang pei in khawsung țhuoitu hai in bufai hi anlo dawng sawng a an ni hi a remchang ang peiin an khuo hai a sem an tih, hun sawtnawte zova Jinam Valley Biel tieng khawm Relief bufai hi sem sunzawm vat beisei a nih..


Report petu

Pu Lalbankhum Hmar

Secretary

Hmar Inpui Relief Cell, Assam Hills Region

Don't Miss
© all rights reserved
made with by Simon L Infimate