Responsive Ad Slot

Hmar Inpui Barak Valley Region in an dem

Saturday, June 5, 2021

/ Published by Simon L Infimate

Hmarkhawlien, June 05, 2021, Virthli(ONP): Hmar Inpui Barak Valley Region a Treasurer Pu L. Rosang Thiek hmelhrietlo han a in hluokhuma, pawisa demand a silai an hmetpuokna le inzawmin Hmar Inpui Barak Valley Region chun a hnuoia ang hin thupuong an suo. 


----------------------------------------

HMAR INPUI 

(HMAR SUPREME HOUSE) 

BARAK VALLEY REGION 

P.O. Hinarkhawlien. District. Cachar, - 788106 Assam, India 

Email: hmarinpuibv@gmail.com

Motto - ''Felna a Hnam chawimawi" Thuvar 14:24 


THUPUONG  

04th June 2021 


Liemtah tarik 2nd June 2021 dâr 8pm - 9pm inkâr a, hmelhrietlo haiin Pu L. Rosang Thiek, Treasurer, Hmar Inpui Barak Valley Region ina fein, ko suoka hmundanga inbiekpui phet an tum a, amiruokchu Pu L. Rosang Thiek hi a sûnghaiin puotienga an inbiek an remti naw leiin, hmelhrietlo 2 an in a lutin, Rs. 10 Lakhs karkhat sung a pe dinga an demand chu, Pu L. Rosang Thiek in a nei naw thu le a pek theinaw ding thu a hril hnungin, nu le nau thlabar taka siemin Silai vawikhat an kap puok el hi, Hmar Inpui Barak Valley Region chun Silai hmetpuoktu hai a dem hle a, hieng ang thil ditum lo tak hi Barak Valley sunga Hmar khuoa hai le Hmar mihai lai tlung nawk ta ngai lo dingin, theitawpin hma la bawk a tih. 


Hmar Inpui Constitution article No. 32 Section I. Clause vi). "Hmar lnpui remti a ni naw chun tukhawmin Hmar hnam lai fund khawn phal ni naw nih". Hmar lnpui Constitution dungzuiin Hmar Inpui remtina naw chun tukhawmin Hmar hnam lai fund khawn phal ni naw nih ti ani leiin, Barak Valley sunga Hmar khuoa hai Party hming or Organization hming chawia pawisa dawl le demand an um chun, pe lo ding le a á¹­ul ang anga mani khawsung lo humhim ngam a, hma lo la ngam dingin; Headman/Village Council/Village Authority hai Hmar Inpui Barak Valley Region chun a ngen bawk a nih. Hmar Mipui harsatna siempektu le hnam rorelna dodaltu chu a tupokhawm nihaisien Hmar Inpui Barak Valley Region chun khawvela Hmar mipui hriet le Sorkar hma a khawm condemn pei a tih. 


Hnam ta dinga inthawpui,

 


(El. Rejoy Hmar)

President 

HMAR INPUI Barak Valley Region 




Don't Miss
© all rights reserved
made with by Simon L Infimate