Responsive Ad Slot

Hmar CSO han Covid Frontline Warriors hai Chawimawina le lawmthu hrilna nei

Monday, June 7, 2021

/ Published by Simon L Infimate

Muolhoi, June 07, 2021, Virthli(ONP): Vawisun khan ni danga siet ni le á¹­hat ni a lo á¹­hang ruol hlak ang bawkin, Hmar Women's Association Assam Hills Region, Hmar Students' Association, JHQ Assam Hills, Hmar Youth Association JHQ NC Hills hai chun Haflong Civil Hospital ah, All Doctors, Nurses and Covid Frontline Warriors_ "We Salute you" ti'n hunser pawimaw tak an hmang.



Hi hunser hi Pi Lalropui Hmar President HWA, Assam Hills in a keihruoi a, Hripui kar ah khawm nisien hun hlimum tak hmang a nih.



Hi hun hi Pu Paul Baruah, Deputy Commissioner, Dima Hasao, ADC Pu Lalrohlu Khiengte le Dr. Dipali Barman Jt. Director, Health, Govt of Assam haiin an uop.


Pu Paul Baruah DC chun, uor takin Hmar CSO hai chungah lawmthu a hril a, lungril taka Health Worker hai hmangaina in nei hi lawmum ka ti hle a, thil á¹­ha thaw tlang rawp dingin fielna le infuina a nei.



Dr. Dipali Barman chun; Covid hripui leia natna tuor hai enkawl hi kan sin hrim, kan thaw ding reng a ni lâi zingin, hieng anga Hmar CSO haiin lawmthu in hung hril hi mak le ropui ka ti hle a, nangni hai ṭhangpuia enkawl ding hin; darkâr 24 kan um zing a nih, lungngai naw ro, in mi lawm angin, keini khawmin ṭhangpui ding cheuvin kan inpei zing a nih ti'n uor takin lawmthu a hril.


Citation Frame mawihnâi takin DC le Jt.Director hai hi an Office a tar inhlân an nih, hi frame hai hi Pu Sumneikung Ṭhiek, President, HYA.JHQ le Pu John Mark Pena, President, HSA JHQ haiin an inhlân.



Doctor le Nurse Civil Hospital a mi popo an lawm ziet inentirna'n; Hmar Gamsa (Ngoteker zie) inhli tir vawng an nih. Covid Care Centre a duty Doctors, Nurses, 4th grade chenin Hmar Gamsa, Refreshment tuihnai, Juice, Apples, Tui bottle pêk anni bâk ah, Covid hripui leia Hospital nghak mêk mi 96 hai kuomah fak ding ṭhahnem tawk tak pêk anni bawk.


Hieng ang thil ṭha thawna ding hin tha seng a va fetu HWA, HSA, HYA khât chun an thaw thei nawh a, hnam sunga mi tlawmngai fâl hai le ṭhuoitu haiin ngam tawk phal taka an dêng khawm hai chawia hieng popo hi sukpuitling thei a ni leiin, an chung ah an lâwm bêk bêk. Chun, hieng ang programme nei theina dinga Medical Dept.tienga hmalatu; Pu Ronald Lalrochan Inbuon chungah lawmthu a tlâmpuiin an inṭhut bawk a nih.

Don't Miss
© all rights reserved
made with by Simon L Infimate