Muolhoi, June 04, 2021, Virthli(ONP): HPC(D) Assam Region chun tulai hnaia Assam rama Hmar khuo thenkhat haia pawisa dawluina um le inzawmin Robart Hmar, Secretary, Info & Pub. HPC(D) Assam Region chun a hnuoia ang hin thupuong a siem.
-----------------------------------------
Ref. No.: HPC(D)/AR/PR/21/03 Dated: Ngaibantlang, the 4th June 2021
THUPUONG
Ahmasa’n HPC(D) Assam Region hmingin chibai.
Tulai hin Assam rama Hmar khuo thenkhata mipui hai laia pawisa sum dawlluina a um niin HPC(D) Assam Region chun a lo hriet a, hieng ang hripui tiumtak ei hmasuon mek lai le mipuiin harsatna namenlo ei tuok laia hieng ang thil tlung hi pawi a ti takzet a, a thawtu hai hi a dem hle a nih.
Hieng Assam rama Hmar khuo mipui laia pawisa dawlluitu hai hi tu ang khawm ni hai sien lo thaw sunzawm talo dingin hi lekha hmang hin an hriettir nghal bawk a nih.
Chun, mipui tu ang khawm ni inla sum dawl hai reng reng hi HPC(D) Assam Region chun Assam rama hin a phal naw leiin tu khawma lo pe lo dingin kan hung inhriettirin kan hung ngen bawk cheu a nih.
Ei hriet seng ta angin HPC(D) Assam Region chu Assam ramah “Hmar Autonomous Council” demand neiin Central le State le HPC(D) chu inbiekna (tripartite talks) fe lai zing ani a, mipui lai hin sum hai dawlluina hai hi a thaw ta ngainaw a, mipui hamthatna ding le Hmar hnam hmasawnna ding hi Hmar hnam pawl hai po po le inpaw tlanga ngaituoin hma a lak zing tah a nih.
Ka lawm ie.
Hnama in thawpui,
(Robart Hmar)
Secretary, Info & Pub.
HPC(D) Assam Region
