Tuolbung, June 7, 2021, Virthli (ONP): Tuolbung khuo, Pherzawl district a sungkhaw an leng thu hriet a ni le inzawmin vawisun khan Parbung CHC-a Medical Staff hai chun an rang thei angin Tuolbung khuo panin a khaw mipui hai medical check-up va neiin covid19 vaccine khawm an va kap nghal thu dawng a nih.
Medical Team chun sûngkhaw leia khumbet a zâl chang pei ta lo hai khawm an chengna in chit ah hai kanin damdawi le an mamaw hai a tul ang angin an va buoipui. Hi huna hin OPD a in en mi 50 neka tam an um thu dawng a ni a, covid19 vaccine khawm mi thahnem tawk tak kap an nih.
Tuolbung khaw mipui hai chun an harsatna hai hre a an rang thei anga Medical Team haiin hma an lakna chungthuah lawmum le inpakum an ti thu an hril a. Hma tieng peia khawm thangpui ngai damnaw hai ta dinga malsawmna ni pei dingin an ditsakna thu a khaw mipui hai chun Virthli fethlengin an inhlan.
Medical Team hi Dr. Lalmalsawm Pulamte, MO i/c, CHC Parbung le Dr. Thanglienzuol han an inrawi a nih.
