Responsive Ad Slot

Dr. Chaltonlien Amo a Team ha'n Covid le inzawmin Vangai biel an pan

Saturday, June 26, 2021

/ Published by VIRTHLI

Patpuihmun, June 26, 2021, Virthli (ONP): Covid hripui inleng leia Tipaimukh biel sunga khawtin a haia a tul ang anga sawmdawlna le thangpuina sin thaw a fe, Tipaimukh MLA- Dr. Chaltonlien Amo a Team hai chun Hmarbiel a khawtin hai an fang zo hnungin vawisun khan section dang ha'n Vangai biela khawtin a haia thangpuina sin thaw dingin Vangai tlang an lo pan nawk tah. Hmarbiel tienga khawtin a haia thangpuina sin thawa fe hai chun an sin tha taka an  thaw zo ta leiin vawisun khan Pu Ramchuoilo Fimate, Chief of Pherzawl in ran that meua lo hmuokin Churachandpur tieng a lo vailiem nawk tah a, ngaina taka lo hmuoktu Pherzawl Lal kuomah lungril takin Dr. Amo a Team ha'n an lawmthu an hril.




Vangai tlang dung khawtin a haia covid le inzawma thil tul le pawimaw chi tum tum thangpuina sin thaw dinga fe section dang hai chu vawisun khan Zawlliensuo kai ah Patpuihmun khawtlang thuoitu le Village Task Force ha'n lawmlutna an lo nei. Dr. Amo aia thangpuina sin thaw dinga fe hai hi covid test hai neiin negative an ni hnunga biel fang an nih.



Hripui inleng leia a biel mipuiin harsatna an tuok mek laia Covid Awareness-cum-Enforcement Committee, 55-Tipaimukh Assembly Segment a Chairman le bieltu MLA ni lai zing- Dr. Chaltonlien Amo in covid le inzawma Vangai biel mipuihai harsatna hrie-a a thei ang anga sawmdawlna sin a thaw chu Dr. Amo a Team hai kuomah an lawmthu an lo hril. Hmarbiel le Vangai tlang dunga thangpuina sin an thaw baka hin Vangai biel, Tuidung le Phaidunga khawtin a haia thangpuina sin thaw dingin section dang an insingsa mek.

Don't Miss
© all rights reserved
made with by Simon L Infimate