Hung tlung ding July 1 - 4, 2021 zân dâr 8:00 - 9:30 PM hun sûng hin Central KṬP huoithawina hnuoiah Online Crusade nei ning a tih.
Speaker Rev. Evan John, Youth Co-ordinator ning a ta, programme hi ICI Central Choir YouTube channel-ah Live-a hung pêk suok ning a tih. Hi bâka hin Tuiṭhaphai sûnga um hai ta dingin local cable network - TCN le Hornbill a hai hung pêk suok ni bawk a tih.
Online Crusade programme a hin Praise and Worship session um a ta, Pathien thucha hrilna bâkah Interactive Session um a tih. Interactive Session hi ngaithlatu hai anthawka zâwna um hai dawnna huna hmang ning a ta, zâwna indawnna ding le indawn dân ding chu Crusade nei huna la hung târlang ning a tih.
Praise and Worship session huna ding hla inchûkna khawm nei zing a ni ta a. Hi programme hi mitin, mani phone/TV/computer fethlenga hung ṭhang dingin ei infiel a; programme hlawtling taka ei hmang theina ding le malsawmna tam tak ei dawng seng theina dingin ṭawngṭaina'n lo hre seng ei tiu.
