~ Dr. Immanuel Tuolor
COVID hripui hi Sorkarpa hmalâkna
zârin ei dang chât el thei di'm tia ei lo ngâituo lâi zingin, thuo hnia sâ phâw
leh a mi la hung bei thung nâwk el hi beidawng a um khawp el. Virus rêng rêng
hi inthlâk danglam hi an zierâng rêng a ni a, an inthlâk danglam leiin an
insukchâu thei a, an insukhrât lem thei bawk a nih.
COVID-19 chî hmasa kha hmun hnia
inthlâk danglamin ama le ama an sukhrât lem ta a nih. Phâw pahni ama le ama
invêngna dingin a'n belsa ni dingin ring a nih. Inthlâk danglam double mutant
COVID hi ṭi a um bîk a. Double
mutation lei hin taksa invêngna a pehêl thei a, chubâkah inkâi hi a awlsam lem
bawk a nih. Damte-a indar kha ni ta loin thâwk le khata puokdar thei zing a
nih. Chun kha hmaa COVID-19 chî nêk khan tuta double mutant hin nâupang tieng a
tâwksa bîk deuin a'n lang a nih. Hieng ang COVID chi thar a hung suok lâi zing
hin a tu tu khawma COVID natna hi ei lo ngâizam deu tain a'n lang tlat a nih.
Nêl suol a awl el di'm tî hi lo ngâituo seng ei tiu.
COVID inenkawlnaa ramri hi a chîn
khawp el a. Invêng hi damna ṭha
tak a nih, tî hre thar nawkin mâni lê mâni sûngkuo hâi ei hmangai ang bawkin
mâni sûngkuo senga fîmkhur dingin hei inhrilhriet nâwk ei tiu. Second wave,
double mutant a nî ang bawkin invêngna khawm thuo hnia inbêl nâwk seng dingin
ei infiel thar a nih.
