Responsive Ad Slot

HSA Mauchar Unit in tuikhur lampui an suksiet

Thursday, April 22, 2021

/ Published by Simon L Infimate

 Sinlung Hills, April 22, 2021, Virthli (ONP): Sinlung Hills a HSA Mauchar Unit chun an khawsunga Sinlung Hills Council hnuoia siem Lamphei tuikhur lampui flooring siema um chu an lung a awi tawk naw leiin an suksiet/vuoksiet thu a hnuoia ang hin thusuok an siem.

---------------------------------



HSA MAUCHAR UNIT PRESS RELEASE 



Kum 2018-2019 Sinlung Hills Council(SHC) Interim Period sunga Departmental work a, Lamphei tuikhur lampui flooring siem a um chu Complain a um leiin flooring chungah step siem nawk a ni a, SHC fund a inthawka flooring siem dinga ti a ni ding ang khawm ni phak lova siem a ni tak hnungah flooring chungah step khawm ni phalo phuokfawm sin hi keini HSA Mauchar Unit chun tha kan ti nawin, a vangduoithlak kan ti hle. Hieng ang sin thawtu hi kan dem takzet. Hieng ang chaua sin țha naw hi Mauchar mipui hai hmusitna ah kan ngai leiin, SHC Chairman le a bieltu ni bawk Pu Malsawm Darngawn, a kuomah siem țha ding le a umzie hrilfie dingin ziekin kan intlun a. Amiruokchu SHC țhuoitu haia inthawkin hi sin hi interim hun laia mi a ni leiin an hrietpui naw thu an mi hril a. Hieng ang sin țha lo le sawrtlak lo hi pawm tlaka kan ngai naw leiin Ni.21.4.2021(Nilaini) zingkar khan HSA Mauchar Unit chun Village Council Court, Mauchar hrietpuina in vuoksiet a nih.


Hieng ang sin țha naw le inzapuium tak hi siemin um nawk ta naw sien kan nuom tak zet.


Issued by: Hmar Students' Association Mauchar Unit, Sinlung Hills, Mizoram.



Copy to...


1. CEM SHC

2. Chairman SHC

3. HSA Sinlung Hills JHQ

4. Daikhawpui aw/ Zohmun News/The Hmar Times in chanchinbu a milo insuo pek dingin. 

5. Guard File

Don't Miss
© all rights reserved
made with by Simon L Infimate