Saron/Muolhoi, August 17, 2020, Virthli(ONP): Hmar Students' Association (HSA) Assam Hills Joint Headquarters chun tulai hripui inleng Covid-19 natna lo invawi HSA Assam Hills Joint Headquarters huom sûnga HSA member Mi-4 (Muolhoi-2 & Saron-2 ) hai damtaka an suokna leiin HSA Assam Hills Joint Headquarters chun lawmpuina thilpek an hlan.
Hi huna hin HSA Assam Hills Joint Headquarters a'nthawk Bufai Bag-1 (50 Kg) seng inhlan ani a, chun hi huna bawk hin HSA fethlengin Pu Ngamrothang Hmar, EM NCHAC a'nthawk Thangsuopuon le sumfai ₹ 3,000/- (Cheng Sangthum) seng inhlan sa bawk a nih.
Chun Muolhoi Mi-2 (Pahni) hai hi HSA Assam Hills Joint Headquarters in hunser hmangin inhlan a nih. Chuong ang bawkin Mahur Mi-2 (Pahni) hai khawm HSA Mahur Block haiin HSA Assam Hills Joint Headquarters aiawin puithutakin thuhrilna le țawngțaina hai neiin anlo in hlan sâwng bawk a nih.
