CCPur/Haflong, Virthli (ONP): Aug. 17, 2020 sun khan NC Hills Indigenous Student Forum inrawinain Minority Scheme PMJVK (MsDP) New Proposal le inzawmin Joint meeting Hmar Inpui Office, Muolhoi ah nei a nih. Hi hun a hin hnam tin Apex Bodies, Women Organisation, Student Organisation dang dang hai an țhang.
Minority Schemes thu a hmalatu dinga ISF hai ruot an ni angin Government a’nthawk inhmaw taka Development Scheme 7 days sûnga submit dinga lekha hmu angin inhmaw taka inrawntlangna hi nei a ni a, hi hun a hin NC Hills District sunga Block 3 minority Concentrated block hieng Sangbar, Harangajao, Jatinga-Mahur Block a hai 20 Crores hu pei Scheme proposal pêk dinga ti chu hnam tinin an chan ding hai hi an hnam Inpui hnuoi seng a proposal hi pêk dinga ti a ni a. Chun, Inpui tin hin mani hnam sunga MAC/EM hai le lo inrawntlâng dinga ti a nih.
MAC le EM hai khawm an Constituency senga 3.5 Crore proposal pek dinga ti a ni a, chun hi proposal hi ni hni sûng mani hnam tina Scheme proposal hai hi țul le pawimaw an ti angin sukfel vawng hman dinga ti a ni bawk.
ISF le Apex Body le Women organisation hai hmalakna hin School, Hostel, le PHC, water supply hai lo bawlin ram sung ah nasa takin development lo lâklut a ni tah a, tuta țum Scheme thar 2020-21 sûnga mi hin Sawrkar tienga thuneitu MAC, EM hai le lungruol taka hma lak tlang dinga ti a nih.
