CCPur, June 5, 2020, Virthli (ONP): Virthli a thu tha tak tak el hung ziek hlaktu Rev. Dr. Robinson S. Zote, Rengkai chu vawituk khan lungphuchawl (stroke) leiin Cambodia hmuna ei lo the tah.
Virthli chun ei inpâm in ei sûn tak zet a, a mâksan a sung le kuo hai Lalpa'n umpuiin thlamuong mawl raw se!
A chanchin Pu CT Lalrinawma in kum 2017 laia a ziek hi hung sie a nih.
________________________________________
Zo pa ngaisang um Rev. Dr. Robinson S. Zote
By CT Lalrinawma
Mizohai lungrila hin midang neka chunghnung deu le iemani ti taka danglam bika inhrietna ang chi, "super conscious mind" an ti ang deu ei la nei lien vieu niin anlang a; "Bufai no khat fa seng seng...iem ani bik?' hei inti khum el dam hi tuta hma khan pi le pu hai tawngbau alo um tah a. Iemani ti tak hin zie danglam bik, danglamna le chungchuongna (uniqueness) hi chu ei nei niin anlang. Chu ruol ruolin khawvel danglam peiah, kum 130 kristien ei lo ni hnung le AAW B hai neia khawvela ziek le tiem thiem hnam ei lo ni ve taka chun, kum 100 awr sung hin "Buhfai no khat fa seng seng" hi a lo in ang naw thei ngai ngei el!
Tv Robinson S. Zote (Churachandpur, Manipur, nau 2 nei tah a ni leiin Pu a ni tah) hi kum 2007 June thla khan S.E Asia Buddhist World a rawngbawl dinga ringna leiaKolkata a'nthawka mi zui tungtu a nih. Chu hun lai chun Hmar tlangval fel tak, kum 27 mi vel ni'n a hmaa inhre ngai beklo kan nih a, kan inhrietna chu Christian Outlook le Zoram Today magazine-ah S.E Asia rama ringna hmanga ka fe tung dan ka ziekna "Pathien chun ami TIR a, a mi THUOI nawk si!" tih regular taka article ka ziek a lo tiem fuk a, chutaka inthawkin ralkanga inbie pawpa in hre tan ta le "Mizoram House, Kolkata-ah in hmu'ng ei tih" ti'n, Manipur a'nthawka hung vuongthla ve hlawl kha a nih...Tu'm a nih ka la hriet chieng el nawh a! Kolkata-ah Thai visa hni in Nk Makimi, Travel Agent chun Thailand kan luot theina dingin Tourist Visa chu Thai Consulate ah an mi hni pui a nih.
Bangkok khawpuia kan tlungna Guest House bul velah ka leng suokpui a, Thai-hai english thiem sun suna biek din'g vang taluo dam, an motor number plate le signboard chena tiem intak taluo ringawt el le, an pasalhai khawm tawng innem hlui-tuai rawl ni-awm takhai, khawpuiah ke in kan invakkuol pui a, 2km deu thaw ka fe kuolpui tum chun,, a mi ring ngam ta bek nawh am ka hriet nawhl, "U CT ...mi'n hmangpui i ti aw?..." ti a beidawng hmel le ti-thawng hmel taka a hril lai a, Thailand chu ka vawi hni fena chauh nisienkhawm, "E khai, zam el naw tala! Hieng Bangkok mihriem maktaduoi 13 vel chengna khawpui mei meia ei inhmang el chun, S.E Asia-Buddhist Lalram hi chil phit zo nawng ei tih, Hienglai ram dam chu ei la'n vak darin, Chanchin Tha leiin ei la pal dar vawng ding annawm ..." ti a ka dawn tuma an nui nasat ziet kha ka mitthla ah ala chamzing hlak.
Harsa tawk tawkin rawngbawl a nuom le atum em leia an unau 3 tadinga a pa'n ram a sem khawm vuongna chuong man dinga zawr thlawng ngam Medical Doctor inchük dinga thlang ani hnung khawma "Tuisik ringa bu nghei tawngtai" thlang lemtu, ramhnuoia Ni 7 zet bu ngheitu hi Pathienin a thuoi nasa ngieng el.
New Enterprises International-ASIA ministry chu hun sawtnaw tie a zawm ve zuoi a. Chu hma chun Indian Evangelical Mission (IEM) a khawm Area Coordinator sin dam lo thaw in M.Miss hai khawm mani a inhai fawma inchuk zo a nih. Cambodia a hung luot hin rawngbawl dan ding hrietthiem antak leiin le US dollar hmangna ram a lo ni bawk si leh, bai-vai takin, Pathien rawn pumin hma a lak tung bep bep a, Private school le University-a hai English subj chu part-time inchuktirin le volunteer ang dama a thawk zeu zeuin, a tawpah inchuklai haiin a teaching hai chu hrietthiem awlsam an ti leiin, Cambodia rama Private University indin ta laia tha pawl tak, Cambodian-American scholar ha'n an ram indin thar nawkna dinga an tih, an curriculum leh syllabushai khawm American style zuia an siem, Professor le Faculty memberhai khawm 90% zet Foreignerhai thawkna Panasasstra University-ah International Relations an tih, Pol.Science subject inchuktirtu-ah lak a hung ni tah a nih. MA (Pol.Sc) chu University of Manipur a'nthawka zovin, hienga Asst. Professor sin thaw pumin a sin thawpui French, Canadian le Australian hai thurawn angin, a rawngbawlna sin sukbuoi taluo naw tawkin Doctor of Philosophy-in International Studies subj a thaw tung nawk ta a. Hienga Ph.D a thaw lai hin "Zan dar 1-2 ti vela naw chu ka zal ngai meu nawh" a tih.
Ph.D chu ACTS-Center for Asian Studies an tih, Kuala Lumpur (Malaysia) a Pebble Hills University and SSIU (California) hai branch-ah thaw in, a dissertation chu "Khmer Migration" (with Special Reference to Siem Reap province/state) tih a ni a, hi tak ding hin lekhabu 90 zet rawnin, anni Cambodian-Khmer tam tak hmaisana inpawlpuina le interview a nei pui bawk. Cambodia ram hi Pol Pot regime -Khmer Rougue sorkar peithlak a ni hnungah, an rambuoi kum 27 zet Civil War re hnungin an inpem (migrate) dar nasa a nih. Hieng anga "Khmer Migration" ti tieng thlurbik a lekhabu ziek hi a la um ngai naw leiin, a Thesis hi Cambodia sorkar chauh ni lovin-UN Level -International Organization ta ding khawma lehhabu tangkai tak a ni ngei ring a um. Hi a thesis hi pawm pekin tukum July 2017 khan Rev. Robinson S.Zote ti a ko hlak kha Rev. Dr. Robinson S.Zote tih a lo ni tah a nih. Pa tum ruh, mi taima, mi biktak a nih. Patling "Bufai no khat fa seng seng" ti hi a lo in-ang naw thei ngang el!
Dr. Robinson Zote hi a sin thawna Panassatra University hai khawmin lawmpuina an nei tah a, kum 4 liemta khan a sinthaw that leiin, Award khawm an lo inhlan tah a, Cambodia Education System siemthatna ding le ASEAN Integration level vela khawm, Cambodian Education Minister khuollien nina hlaka hai khawm "Paper present" dinga fiel a lo ni ta hlak bawk.
India ramin Look-Act East Policy a nei hlakna Seminar-ahai le Indian Embassy-in Cambodia ram huop thila Seminar a buotsai hlaka hai, Indian Education Fair an hung nei changhai le India Vice President hung inzing ding khawma Security & Arrangements tul chang khawma Embassy ai-aw a First Secy hai kut le ke, an mi rawn le an tawng (Khmer) inlet pek hlaktu a ni bawk. Tawng hi chi 7 chuongin Pathien Thu-Sermon ngainuom um tawkin a hril thei a! Bangkok le Kuala Lumpur vela Mission Convention-a Speaker dinga fiel alo ni ta hlak bawk. Pa danglam, pa inzapui um lo, mi mei mei lo tak a nih.
Rawngbawlna tienga khawm an adopt- focus village a naupang leh, Kristien la um ngaider nawna khuoah Ringtu 100 vel zet an siem tah. Anni hi Evangelical Free Church of India (EFCI) an tih, Rev. Dr. Rochung Pudaite (Founder, Bible for the World)in an din kohhran member an nih. Cambodia rama an kohhran indin, enkawla hin Krismas laiin Thucha hrilin ka han fe tah a; Khmer-Cambodian mipuihai khawmin an tawng 95% vel a thiem ta leiin, an ngaisang hle a nih. Pi Joyce Hrangchal leh inneiin, nau nuhmeite kum 7 le nau pasalte kum 4 mi vel an nei mek.
Virthli chun ei inpâm in ei sûn tak zet a, a mâksan a sung le kuo hai Lalpa'n umpuiin thlamuong mawl raw se!
A chanchin Pu CT Lalrinawma in kum 2017 laia a ziek hi hung sie a nih.
________________________________________
Zo pa ngaisang um Rev. Dr. Robinson S. Zote
By CT Lalrinawma
Mizohai lungrila hin midang neka chunghnung deu le iemani ti taka danglam bika inhrietna ang chi, "super conscious mind" an ti ang deu ei la nei lien vieu niin anlang a; "Bufai no khat fa seng seng...iem ani bik?' hei inti khum el dam hi tuta hma khan pi le pu hai tawngbau alo um tah a. Iemani ti tak hin zie danglam bik, danglamna le chungchuongna (uniqueness) hi chu ei nei niin anlang. Chu ruol ruolin khawvel danglam peiah, kum 130 kristien ei lo ni hnung le AAW B hai neia khawvela ziek le tiem thiem hnam ei lo ni ve taka chun, kum 100 awr sung hin "Buhfai no khat fa seng seng" hi a lo in ang naw thei ngai ngei el!
Tv Robinson S. Zote (Churachandpur, Manipur, nau 2 nei tah a ni leiin Pu a ni tah) hi kum 2007 June thla khan S.E Asia Buddhist World a rawngbawl dinga ringna leiaKolkata a'nthawka mi zui tungtu a nih. Chu hun lai chun Hmar tlangval fel tak, kum 27 mi vel ni'n a hmaa inhre ngai beklo kan nih a, kan inhrietna chu Christian Outlook le Zoram Today magazine-ah S.E Asia rama ringna hmanga ka fe tung dan ka ziekna "Pathien chun ami TIR a, a mi THUOI nawk si!" tih regular taka article ka ziek a lo tiem fuk a, chutaka inthawkin ralkanga inbie pawpa in hre tan ta le "Mizoram House, Kolkata-ah in hmu'ng ei tih" ti'n, Manipur a'nthawka hung vuongthla ve hlawl kha a nih...Tu'm a nih ka la hriet chieng el nawh a! Kolkata-ah Thai visa hni in Nk Makimi, Travel Agent chun Thailand kan luot theina dingin Tourist Visa chu Thai Consulate ah an mi hni pui a nih.
Bangkok khawpuia kan tlungna Guest House bul velah ka leng suokpui a, Thai-hai english thiem sun suna biek din'g vang taluo dam, an motor number plate le signboard chena tiem intak taluo ringawt el le, an pasalhai khawm tawng innem hlui-tuai rawl ni-awm takhai, khawpuiah ke in kan invakkuol pui a, 2km deu thaw ka fe kuolpui tum chun,, a mi ring ngam ta bek nawh am ka hriet nawhl, "U CT ...mi'n hmangpui i ti aw?..." ti a beidawng hmel le ti-thawng hmel taka a hril lai a, Thailand chu ka vawi hni fena chauh nisienkhawm, "E khai, zam el naw tala! Hieng Bangkok mihriem maktaduoi 13 vel chengna khawpui mei meia ei inhmang el chun, S.E Asia-Buddhist Lalram hi chil phit zo nawng ei tih, Hienglai ram dam chu ei la'n vak darin, Chanchin Tha leiin ei la pal dar vawng ding annawm ..." ti a ka dawn tuma an nui nasat ziet kha ka mitthla ah ala chamzing hlak.
Harsa tawk tawkin rawngbawl a nuom le atum em leia an unau 3 tadinga a pa'n ram a sem khawm vuongna chuong man dinga zawr thlawng ngam Medical Doctor inchük dinga thlang ani hnung khawma "Tuisik ringa bu nghei tawngtai" thlang lemtu, ramhnuoia Ni 7 zet bu ngheitu hi Pathienin a thuoi nasa ngieng el.
New Enterprises International-ASIA ministry chu hun sawtnaw tie a zawm ve zuoi a. Chu hma chun Indian Evangelical Mission (IEM) a khawm Area Coordinator sin dam lo thaw in M.Miss hai khawm mani a inhai fawma inchuk zo a nih. Cambodia a hung luot hin rawngbawl dan ding hrietthiem antak leiin le US dollar hmangna ram a lo ni bawk si leh, bai-vai takin, Pathien rawn pumin hma a lak tung bep bep a, Private school le University-a hai English subj chu part-time inchuktirin le volunteer ang dama a thawk zeu zeuin, a tawpah inchuklai haiin a teaching hai chu hrietthiem awlsam an ti leiin, Cambodia rama Private University indin ta laia tha pawl tak, Cambodian-American scholar ha'n an ram indin thar nawkna dinga an tih, an curriculum leh syllabushai khawm American style zuia an siem, Professor le Faculty memberhai khawm 90% zet Foreignerhai thawkna Panasasstra University-ah International Relations an tih, Pol.Science subject inchuktirtu-ah lak a hung ni tah a nih. MA (Pol.Sc) chu University of Manipur a'nthawka zovin, hienga Asst. Professor sin thaw pumin a sin thawpui French, Canadian le Australian hai thurawn angin, a rawngbawlna sin sukbuoi taluo naw tawkin Doctor of Philosophy-in International Studies subj a thaw tung nawk ta a. Hienga Ph.D a thaw lai hin "Zan dar 1-2 ti vela naw chu ka zal ngai meu nawh" a tih.
Ph.D chu ACTS-Center for Asian Studies an tih, Kuala Lumpur (Malaysia) a Pebble Hills University and SSIU (California) hai branch-ah thaw in, a dissertation chu "Khmer Migration" (with Special Reference to Siem Reap province/state) tih a ni a, hi tak ding hin lekhabu 90 zet rawnin, anni Cambodian-Khmer tam tak hmaisana inpawlpuina le interview a nei pui bawk. Cambodia ram hi Pol Pot regime -Khmer Rougue sorkar peithlak a ni hnungah, an rambuoi kum 27 zet Civil War re hnungin an inpem (migrate) dar nasa a nih. Hieng anga "Khmer Migration" ti tieng thlurbik a lekhabu ziek hi a la um ngai naw leiin, a Thesis hi Cambodia sorkar chauh ni lovin-UN Level -International Organization ta ding khawma lehhabu tangkai tak a ni ngei ring a um. Hi a thesis hi pawm pekin tukum July 2017 khan Rev. Robinson S.Zote ti a ko hlak kha Rev. Dr. Robinson S.Zote tih a lo ni tah a nih. Pa tum ruh, mi taima, mi biktak a nih. Patling "Bufai no khat fa seng seng" ti hi a lo in-ang naw thei ngang el!
Dr. Robinson Zote hi a sin thawna Panassatra University hai khawmin lawmpuina an nei tah a, kum 4 liemta khan a sinthaw that leiin, Award khawm an lo inhlan tah a, Cambodia Education System siemthatna ding le ASEAN Integration level vela khawm, Cambodian Education Minister khuollien nina hlaka hai khawm "Paper present" dinga fiel a lo ni ta hlak bawk.
India ramin Look-Act East Policy a nei hlakna Seminar-ahai le Indian Embassy-in Cambodia ram huop thila Seminar a buotsai hlaka hai, Indian Education Fair an hung nei changhai le India Vice President hung inzing ding khawma Security & Arrangements tul chang khawma Embassy ai-aw a First Secy hai kut le ke, an mi rawn le an tawng (Khmer) inlet pek hlaktu a ni bawk. Tawng hi chi 7 chuongin Pathien Thu-Sermon ngainuom um tawkin a hril thei a! Bangkok le Kuala Lumpur vela Mission Convention-a Speaker dinga fiel alo ni ta hlak bawk. Pa danglam, pa inzapui um lo, mi mei mei lo tak a nih.
Rawngbawlna tienga khawm an adopt- focus village a naupang leh, Kristien la um ngaider nawna khuoah Ringtu 100 vel zet an siem tah. Anni hi Evangelical Free Church of India (EFCI) an tih, Rev. Dr. Rochung Pudaite (Founder, Bible for the World)in an din kohhran member an nih. Cambodia rama an kohhran indin, enkawla hin Krismas laiin Thucha hrilin ka han fe tah a; Khmer-Cambodian mipuihai khawmin an tawng 95% vel a thiem ta leiin, an ngaisang hle a nih. Pi Joyce Hrangchal leh inneiin, nau nuhmeite kum 7 le nau pasalte kum 4 mi vel an nei mek.
