Tuithaphai, May 27, 2020, Virthli (ONP): Vangai tlang Village Authority Association in tulaia Covid-19 natna hri inleng mek le inzawma fak-le-dawn kawnga a biel mipuihai hai ta dinga hma nasa taka latu le thangpui hlak tu-Tipaimukh MLA Dr. Chaltonlien Amo kuoma Vangai mipuihai ai awa an lawmthu hrilna ding tia an thaw thei sun tia tlangram hmeruo an hung thawn hai chu vawisun khan Dr. Chaltonlien Amo chun a biel mipui Pherzawl Dist. Quarantine Centre a um mek hai fak ding tiin a'n hlan sawng nawk. Hi huna hin a hmunah hung theinaw sien khawm a aiin Tv. Zawlsiemlien@Zawla Khawzawl, Social Worker hung tirin ama hin Pherzawl Dist. Medical Department hai kuomah tlangram hmeruo hai inhlanna a nei.
Hi huna Tv. Zawla Khawzawl, Social Worker- in thu a hrilna a chun iengtiklaikhawm mani mi-le-sa hai thangpui le pi le pu tlawmngaina kengkaw zing hi a lungrila a tum tlat ani thu hrilin tuta tuma Tipaimukh bielin harsatna an tuok mek laia MLA hmalakna hi thlawp thlak le inpakthlak ani thu hrilin sawrkawr a chau innghat loa ka ram le hman ta dingin iem ka thaw ve thei ve? tia ei thang tlang a pawimawi tak zet anih tiin a hril a, Tipaimukh MLA in a chanvo ding tlangram hmeruo inhniktak tak tak, State puotienga inthawka hung unau phing tam le dangchar hai fak le dawn ding an hlan ngam el hi inpakum a ti thu hai a hril a. Ama fak ai an hlan ngam el bakah hotu le thuoitu tlin tak a ni thu hai a hrilsa bawk. Hienga mani ram le hnam ta dinga hmalatuhai hai hi a thei ang anga thlawp zing ding thu hai a hril a. Quarantine Centre a um hi an inthiengnaw ti iengkhawm sukchiengna la um naw sien khawm, fimkhurna le sie el anni thu hai hrilin thuawi taka um dingin a hril . Hi Centre enkaitu MLA, CMO le Staff, DC & SDO staff, Sawrkar Dept. tum tum hai chungah lawmthu a hril.
Pherzawl Dist. Quarantine Centre a hin tuhin mi 150 vel an um mek a, tuchena positive case an la um naw thu dawng a nih.
Hi huna Tv. Zawla Khawzawl, Social Worker- in thu a hrilna a chun iengtiklaikhawm mani mi-le-sa hai thangpui le pi le pu tlawmngaina kengkaw zing hi a lungrila a tum tlat ani thu hrilin tuta tuma Tipaimukh bielin harsatna an tuok mek laia MLA hmalakna hi thlawp thlak le inpakthlak ani thu hrilin sawrkawr a chau innghat loa ka ram le hman ta dingin iem ka thaw ve thei ve? tia ei thang tlang a pawimawi tak zet anih tiin a hril a, Tipaimukh MLA in a chanvo ding tlangram hmeruo inhniktak tak tak, State puotienga inthawka hung unau phing tam le dangchar hai fak le dawn ding an hlan ngam el hi inpakum a ti thu hai a hril a. Ama fak ai an hlan ngam el bakah hotu le thuoitu tlin tak a ni thu hai a hrilsa bawk. Hienga mani ram le hnam ta dinga hmalatuhai hai hi a thei ang anga thlawp zing ding thu hai a hril a. Quarantine Centre a um hi an inthiengnaw ti iengkhawm sukchiengna la um naw sien khawm, fimkhurna le sie el anni thu hai hrilin thuawi taka um dingin a hril . Hi Centre enkaitu MLA, CMO le Staff, DC & SDO staff, Sawrkar Dept. tum tum hai chungah lawmthu a hril.
Pherzawl Dist. Quarantine Centre a hin tuhin mi 150 vel an um mek a, tuchena positive case an la um naw thu dawng a nih.
