Responsive Ad Slot

Tipaimukh MLA Dr. Chaltonlien Amo in a biel mipuihai lekha a thawn

Thursday, April 23, 2020

/ Posted by Simon L Infimate

Dr. Chalton Lien Amo, MLA
(Former Minister)
Manipur Legislative Assembly

Mob.:+91 9436021862
e-mail: challonnamo@gmail.com

Ram le hnam ta dinga ka thawpui dit takhai,

Coronavirus (COVID-19) leiin ei nitin khawsak le fak zawngna a mi la chawkbuoi zinga. Tuta hma deu khan thei ang tawk tawka ka mipuihai harsatna phuhruk ding tiin fak le dawn, Dal, Alu, Purun, Machi, Tel le Sabon tlawm a zawng ka hung thawn cheu a. Khuo dang danga inthawkin lawmthu in mi hung hrilhai ka lo hriet a, kei khawm ka lawm ngawt el. Hieng ang ei thaw theina hi Pathien le nangnihai zar vawng a nih. Pa Pathien kuomah lawmthu hril theinghil naw mei niu.

Tuhin Bufai (Food grain) a man pek ngailovin ei sem nawk ding a ni a. Ka MLA fund a kan chawk le Prime Minister thangpuina bufai hung chawk pawl a ni leiin tuta hma a ei sem nek khan In tin chan tam lem a tih. Ei harsatnahai inhril tuo peiin thei tawp ka hung suo pei ding a nih. Mipuihai, lo thlaphang naw unla, Pathien le sawrkar zarin bunghei lo dingin hang inring phawt ei tiu.

Di.22-04-2020 hin Tipaimukh biel hai chan ding Churachandpur Godown a lak
suuok chu biel tieng thawn ning a ta. Chun, dt. 24-04-2020 hin Vangai biel chan ding Jiribam Godown a laksuok chu biel ah phurlut ni bawk a tih.

Khawtin Village Authority, HNU Units, HYA Unit le Val-Upa hai bawk
tlawmngaia lo sem dingin mawphurna ka hung pek nawk cheu a nih. Insung Fak-le-dawn ding in sem ṭum khan mipui an lawmtlang hle thu khawm ka lo hriet.

Ram le hnam a in rawngbawlpui,

Dr.Chaltonlien Amo
MLA/Tipaimukh A/C

I. KHUO TINA SEMNA TLAWMNGAIA MAW MI PHUR PEKTU DING:
1. Village Authority Memberhai
2. HNU Unit Thuoituhai
3. HYA Branch Thuoituhai
4. Val-Upahai.

II. CHURACHANDPURA INTHAWKA BIEL SUNG KHAWTINA MI THAK PEKTU DINGHAI
1. Pu Tlansang 2. Pu Lalhmingthang 3. Pu Manga Singson 4. Pu Lalrammawi
5. Pu Ramthanglien 6. Pu Neisang 7. Pu Glory Wilson 8. Pu Ruolchunghnung
9.Zawlsiemlien.

III. Official Staff:
1. Tv. Carson Amo
2. Pu Tongkholun


Don't Miss
© all rights reserved
made with by Simon L Infimate