Responsive Ad Slot

LPG GAS CYLINDER, GAS AGENCY LE CONNECTION

Monday, April 13, 2020

/ Posted by VIRTHLI
A. PMUY Card holder 

PMUY card nei popo LPG cylinder bur sip pathum free in thlatum pek ning an tih. Covit 19 Lockdown leiin thla thum April, May le June 2020 sunga an lo  hmang thei ding LPG gas bur sip pathum chu PMUY card nei 8 crores hai pek ning an tih.



Manipur ah 42,067 neka tamin PMUY card ei nei a. Assam ah 13,21,153 neka tamin hi card hi ei nei. BPL card nei, SECC 2011 a hming zieklut LPG gas cylinder nei ve silo le nuhmei hai PMUY card pek an nih. Application form chu LPG gas agency dealer kuta inthawk lak thei a nih.

B. Gas Agency Dealer 

Gas agency in gas connection pedawk zing a tih. Refilled cylinder ding lo booking lawk hai an rang thei angin gas bur sip pekdawk ning an tih.

LPG gas cylinder 14.2 kg a rawng sen hi hotel ah hmang phallo a nih. Hotel a hmang ding chu 19 kg LPG cylinder blue colour bur kha a nih. Black a LPG cylinder bur sip gas zawrrutu chu Police or Supply Officer in man an tih.

LPG gas connection card nei popo mamawzat agency dealer in LPG market company a inthawkin a laklut zie hlak. Company software ah agency dealer in gas bur a semdawk vawng tiin a lo report thei a. Gas bur sip a lak nawk hlak. Amiruokchu, LPG company a inthawka dealer agency godown a laklut popo customers a pek vawng naw hun a um thei. A lo pekdawk angin zieklut sien khawm cylinder ei hmu naw hun a um thei. Chu huna chun agency in hotel a dam a lo zawrruk thei.

Chuleiin gas tlasam tiengpang harsatna ei tuok huna DC hril thei a nih.

1. Gas Agency dealer in LPG company a inthawk gas bur sip a tawllut zat ding allotment a nei. A tawllut hun ding khawm an siem pek.

2. Agency dealer in gas latu customer hai gas bur sip a peksuok zat ding le a semdawk hun ding pek a nih

3. Agency gas godown a gas bur sip umzat hriet a ni pha customer indik hai LPG gas bur ding HOTEL ah mantam lema semdawk po chawk dawk thei a nih.

Ei tul huna Dealer in 14.2 kg LPG gas bur sip a mi pek thei nawa, cash memo a mi pek nuom bawk naw chun a chunga thubuoi ei siem thei. Agency dealer against in LPG company or Police or Supply Officer kuoma complaint ei thelut thei.

C. LPG market company 

LPG gas cylinder sukbittu Gas company hai chu sawrkarin nitin cylinder lakh sawmsari sukbitin agency dealer dawrah thawndawk zie dingin thu a pek tah. Sawrkarin lockdown leia mipui thlabar ding an lau hle.

D. Gas Customer 

Mi pakhatin LPG gas bur sip sawmpakhat neka tam ei lak thei nawh. Khawm chu thlatin gas bur pakhat 14.2 kg chau inah ei sietha thei. Hotel ah gas bur sen 14.2 kg a rik hmang thei a ni nawh.

Hotel a ei hmu hlak LPG gas bur sen hi LPG customer indik hai chanvo ding indiklo taka agency dealer hai lo zawr ruk dam a ni thei. Hieng thil lei hin gas card holder tamtakin a hun ah gas bur sip agency ah ei hmu ngai nawh. Gas a la um nawh an ti hlak. LPG cylinder dealer dawrah ei gas ding a lo hung tlung ta khawma hmun dang hotel liena dam man tamlem in an lo zawrruk hlak leiin gas bur sip hi a hun takin ei hmu thei ngai nawh, titu an um.

Agency dealer in LPG marketing company thuoitu hai kuoma inthawk customer service charge a lak hlak. Inah gas hung thaktu Delivery boy in uniform hang a ta, customer hai inah gas bur sip thak hlak a tih.

Delivery boy hin weighing machine phalla te 14.2 kg inkhina chawi a ta. Identity card nei a tih. 14.2 kg a tling naw chun gas bur sip chen customer in a thakkir thei.

LPG bur sip gas rik dan chi li a um:

1). 5 kg khawte a ding

2). 14.2 kg Domestic

3). 19 kg Hotel le commercial

4). 47.5 kg Industries a hmang hlak

Gas cylinder rikzie hi dan narain 15 kg le ti met a nih. A sunga gas hi 14.2 kg. a nih. LPG gas cylinder le a sunga gas a rengin 30 kg a ni tlangpui. Chu umzie chu a puotienga a vara an ziek 15.8 kg kha gas bur chau rikzie a nih.

Chun "C 24" ti inziek dam ei hmu hlak. Hihi 2024 Sept thla vel khin gas bur hi hmang thei le theinaw la checkfel nawk ning a tih, tina a nih.

E. Delivery boy 

LPG bur sip customer in a home delivery thawtu ding popo chu Agency in ruot a ta. DELIVERY BOY in customer hai inah gas thaktlung a tih. Gas bur sip 14.2 kg inkhina machine chawi a ta. Uniform ha bawk a tih. Agency Dealer in LPG Market Company a inthawkin customer services sengso popo a lak hlak. Gas bur siplo a thak bawk. Regulator thalo khawm a pekkir. Gas siplo khawm a thakkir hlak.

Chuleiin LPG gas bur sip 14.2 kg a tling naw chun Delivery boy lekha phek ah sui mar ngai naw mani. 14.2 kg tlinglo chu inchawikir tir pei ei tiu. Dealer dawra complaint box ah dealer pa chu LPG company hriet dingin ei complain thei tah.

Iengtiklai khawm LPG gas bur sip 29 or 30 kg tlinglo a um thei nawh. 23 kg dam an mi pek chun an lo sungthe hnung tina a nih. Thakkir thei a nih.

Oil marketeer IOCL in agency dealer hai godown ah LPG gas bur sip an thaktlung pha Dealer in a lo check hmasa phawt hlak. Seal bo le underweight popo a thakkir hlak. An dik po dealer godown ah semdawk dingin a sietha hlak. Delivery boy gas bur sip customer a pek pha gas bur seal hi hawng lo a la ni am ti check hlak ei tiu. Check ro mi titu ding a nih. Gas bur ei lakna haiin an lak vena pa in a pek hunah an check hmasa hlak. Gas bur a seal hawng ding chun hmabul ah ei remtina in an hawng ding a nih. Leak le leak lo ei check dan ding a nih.

LPG gas bur hmangtu hai ei var a tul. Gas cylinder sip stock a mi ei chang ve naw chun complaint thelut vat ei tiu. Man tam tak taka gas bur sip LPG zawrtu ei hmu khawma complaint thelut hlak ei tiu.

Dealer in LPG stock a nei naw chun mipuiin sawrkar le LPG market company IOCL, HPCL, BPCL hai kuoma ei complain thei. Indane gas la haiin IOCL. Bharat gas bur la haiin HPCL, etc. An District Nodal Officer kuoma ei complain thei. A tul chun agency dealer hai chu 1 lakh in fine tir ning an ta. An sim naw chun an LPG distributorship terminate an tih. PDS gas ding indiklo taka semdawktu chunga sawrkarin action la bawk a tih.

-Ziektu

Dada & JoJo-pa,
Hmarkhawlien

12.4.2020
Don't Miss
© all rights reserved
made with by Simon L Infimate