Responsive Ad Slot

Thingbung khuo a electric meivar a tlung

Tuesday, December 10, 2019

/ Posted by Simon L Infimate
Hafong, December 10, 2019, Virthli (ONP):  Thingbung khuo Jinam Valley, NC Hills, Assam a chun NC Hills Indigenous Student Forum (NCHISF) haiin hun sawttak anthawka an lo buoipui tah Jinam Valley a Electric meivar lût ngei dinga hma an lo lâkna chu vawisûn dar 2:30PM khan electric meivar sukvar a lo ni tah.

Thingbung khuo a hin NCHISF hai le khuo mipui hai ṭhangruolna in Electric ban/ post hi hun sawttak khan phun a lo ni ta a, amiruokchu Contractor M/s N.K Power & Infrastructure Pvt. Ltd. hai chu sinthaw chu an muong châng hlê leiin NCHISF ṭhuoitu hai chun ni 4 Mîmtukthla khan APDCL a hotulien Guwahati Bijulee Bhawan a fe in Chief General Manager kuoma zun tlun nawk a ni a, hi huna hin Thingbung khuo hi Electric meivar an hmatienga pêk dinga ti chu Contractor M/s N.K Power and Infrastructure Pvt Ltd hai chu CGM in a zuk hril nghâlna zâr pei chun Thingbung khuo chun vawisûn khan a hmun electric meivar ngeia sit var a lo ni tah.

Chun, CGM inhmupui huna hin Jinam Valley le Borial khuo dang dang a Solar lo hmu ta hai khawm a Grid Line an hmu theina dingin hrilpui nawk a ni a, Laisong, Harangajao le Ditokcherra tienga khuo hieng P Songkai, N Songkai, Harangajao Huonveng, Hmunthajao, Hmartlangmawi le D Gamnuom a hai 62Kv Transformer thar pe dinga ngenna siem ani bawk a nih.
Don't Miss
© all rights reserved
made with by Simon L Infimate