Aizawl, 12 November, 2019,Virthli (ONP): Mipui ditthlangna a siem Sinlung Hills Council (SHC) sawrkar thar hmasatak (elected council) lawmna chu zing November ni 13, 2019 (Nilaini) hin SHC headquarters Sakawrdaiah hmang ni'ng a tih.
Hi hunpui hi Mizoram Chief Minister Pu Zoramthanga in Khuollien niin hmangpui a ta, Mizoram Assembly Speaker le Chalfilh bieltu MLA ni bawk Pu Lalrinliana Sailo chu Kuolzaum ni'ng a tih.
Anni pahni baka hin sawrkar a'nthawkin Education Minister le Tuivawl bieltu ni bawk Pu Lalchhandama Ralte, Home Minister hlui le tuta district council & minority affairs minister ni lai mek Pu R. Lalzirliana le Serlui bieltu MLA Pu Lalrinsanga Ralte hai khawm an ṭhang ding thu, MNF General Headquarters treausrer Pu Vanlalzawma chun a hril.
Vawisun khan council members hai le hmun tina hnam ṭhuoituhai le mi dang dang hai chun Sakawrdai an pan ni'n thu dawng a nih.
Tarlang tah angin SHC hi mipui ditthlangna ngeiin November ni 5, 2019 khan inthlangpui nei a ni a, MNF le HPC inkawp chun seat 12 ah seat 10 a'n lâka, MNF in biel 5- Ratu, New Vervek, Vanbawng, Ṭinghmun le Zohmun hai an lâka, HPC in biel 5 tho- Sakawrdai North, Sakawrdai South, Saiphai, Khawlian le Suangpuilawn a hai hratna an chang a nih.
Hi baka hin independent candidate pahni- Pu Lalrawngbawl Pulamte (Saipum biel) le Congress le ZPM hai i thlawp Pu Vanlalsiamsanga chu Phuaibuang biel a'nthawkin thlang tling an ni bawk.
Election hma a MNF le HPC hai inremna dungzuiin biel 7 an changlaiin MNF chun biel 5 a chau hnena an changa HPC chun an biel chang po po 5 ah hnena an chang vawng a nih.
SHC sawrkar thar chu November ni 8, 2019 khan Aizawl Deputy Commissioner office chamber ah lâklût inkhawm nei a nia, Zohmun bieltu Pu H.C Lalmalsawma chu protem chairman a thlang a nia, Aizawl DC in intiemkamna innei tira a laklut zovin protem chairman hin member hai po po chu siesamna inneitirin a lâklût a nih.
Hi zo hin council member hai chun chairman ding le deputy chairman ding thlang nawkin Ṭinghmun bieltu Pu Lalmalsawma Darngawn chu Chairman a thlang a ni a, Suangpuilawn bieltu Pu Lalvenhima Hmar chu Deputy Chairman in thlang a ni bawk.
Hi zo hin Council chun session tawi neiin Sakawrdai North bieltu Pu Lalthlamuana Hmar chu inchupuitu um lovin Chief Executive Member (CEM) a thlang a ni a, CEM hin Executive Member (EM) 3, MNF a'nthawka rawtna dungzuiin a ruota, chuonghai chu - Pu C. Lalnuntlanga (New Vervek bieltu), Pu Ricky Lalremsanga (Vanbawng bieltu) le Pu H. Lalengzauva (Ratu bieltu) hai an nih. EM pakhat hi HPC tieng a inthawka ruot ding a ni a, amiruokchu harsatna a la um leiin vawisun chen hin sukfel a la ni naw thu, HPC general headquarters a'nthawka ei thudawngna chun a hril.
Nominated member khawm sukfel thawkkhat an ta a, MNF a'nthawkin Nk Melody Lalchhuangzeli ruot a ni a, HPC a'nthawkin Party president Pu Thangliensung chu ruot fel ang a ni ta a, zinga sawrkar thar lawmna a hin council Chairman in intiemkamna an neitir ding niin, ei thulakna chun a hril.
Election hma a MNF le HPC hai inremna dungzuiin CEM, Deputy chairman le EM-1 chu HPC in chang an ta, MNF in Chairman le EM-3 chang thung an tih ti a ni a, hi baka hin Planning Board ah vice chairman chu HPC in chang an ta, member dang 4 chu 2 ve ve in insem an tih, ti a nih.
Hi laizing hin Saiphai biel a'nthawka thlang tling le HPC (D) deputy Army Chief hlui Pu Lalbiaknunga chu Deputy Chairman dinga mi tamtak beisei a ni lai ruot a ni ta naw leiin lungawinawpuitu an um nuol ni a hriet a ni a, HPC Serlui Block le mi dang dangin EM bêkah sie dingin party ṭhuoituhai kuomah an intlun thu, ei thulakna chun a hril.
SHC Member hai:
CEM: Lalthlamuana Hmar
Chairman: Lalmalsawma Darngawn
Dy Chairman: Lalvenhima Hmar
Executive Member:
1. C. Lalnuntlanga
2. H. Lalengzauva
3. Ricky Lalremsanga
4. (La ruot lo)
Members:
1. Lalbiaknunga
2. K. Hrangkunga
3. Lalrawngbawl Pulamte
4. Vanlalsiamsanga
5. Lalremruata Varte
Nominated Members:
1. Melody Lalchhuangzeli
2. Thangliensung
Hi hunpui hi Mizoram Chief Minister Pu Zoramthanga in Khuollien niin hmangpui a ta, Mizoram Assembly Speaker le Chalfilh bieltu MLA ni bawk Pu Lalrinliana Sailo chu Kuolzaum ni'ng a tih.
Anni pahni baka hin sawrkar a'nthawkin Education Minister le Tuivawl bieltu ni bawk Pu Lalchhandama Ralte, Home Minister hlui le tuta district council & minority affairs minister ni lai mek Pu R. Lalzirliana le Serlui bieltu MLA Pu Lalrinsanga Ralte hai khawm an ṭhang ding thu, MNF General Headquarters treausrer Pu Vanlalzawma chun a hril.
Vawisun khan council members hai le hmun tina hnam ṭhuoituhai le mi dang dang hai chun Sakawrdai an pan ni'n thu dawng a nih.
Tarlang tah angin SHC hi mipui ditthlangna ngeiin November ni 5, 2019 khan inthlangpui nei a ni a, MNF le HPC inkawp chun seat 12 ah seat 10 a'n lâka, MNF in biel 5- Ratu, New Vervek, Vanbawng, Ṭinghmun le Zohmun hai an lâka, HPC in biel 5 tho- Sakawrdai North, Sakawrdai South, Saiphai, Khawlian le Suangpuilawn a hai hratna an chang a nih.
Hi baka hin independent candidate pahni- Pu Lalrawngbawl Pulamte (Saipum biel) le Congress le ZPM hai i thlawp Pu Vanlalsiamsanga chu Phuaibuang biel a'nthawkin thlang tling an ni bawk.
Election hma a MNF le HPC hai inremna dungzuiin biel 7 an changlaiin MNF chun biel 5 a chau hnena an changa HPC chun an biel chang po po 5 ah hnena an chang vawng a nih.
SHC sawrkar thar chu November ni 8, 2019 khan Aizawl Deputy Commissioner office chamber ah lâklût inkhawm nei a nia, Zohmun bieltu Pu H.C Lalmalsawma chu protem chairman a thlang a nia, Aizawl DC in intiemkamna innei tira a laklut zovin protem chairman hin member hai po po chu siesamna inneitirin a lâklût a nih.
Hi zo hin council member hai chun chairman ding le deputy chairman ding thlang nawkin Ṭinghmun bieltu Pu Lalmalsawma Darngawn chu Chairman a thlang a ni a, Suangpuilawn bieltu Pu Lalvenhima Hmar chu Deputy Chairman in thlang a ni bawk.
Hi zo hin Council chun session tawi neiin Sakawrdai North bieltu Pu Lalthlamuana Hmar chu inchupuitu um lovin Chief Executive Member (CEM) a thlang a ni a, CEM hin Executive Member (EM) 3, MNF a'nthawka rawtna dungzuiin a ruota, chuonghai chu - Pu C. Lalnuntlanga (New Vervek bieltu), Pu Ricky Lalremsanga (Vanbawng bieltu) le Pu H. Lalengzauva (Ratu bieltu) hai an nih. EM pakhat hi HPC tieng a inthawka ruot ding a ni a, amiruokchu harsatna a la um leiin vawisun chen hin sukfel a la ni naw thu, HPC general headquarters a'nthawka ei thudawngna chun a hril.
Nominated member khawm sukfel thawkkhat an ta a, MNF a'nthawkin Nk Melody Lalchhuangzeli ruot a ni a, HPC a'nthawkin Party president Pu Thangliensung chu ruot fel ang a ni ta a, zinga sawrkar thar lawmna a hin council Chairman in intiemkamna an neitir ding niin, ei thulakna chun a hril.
Election hma a MNF le HPC hai inremna dungzuiin CEM, Deputy chairman le EM-1 chu HPC in chang an ta, MNF in Chairman le EM-3 chang thung an tih ti a ni a, hi baka hin Planning Board ah vice chairman chu HPC in chang an ta, member dang 4 chu 2 ve ve in insem an tih, ti a nih.
Hi laizing hin Saiphai biel a'nthawka thlang tling le HPC (D) deputy Army Chief hlui Pu Lalbiaknunga chu Deputy Chairman dinga mi tamtak beisei a ni lai ruot a ni ta naw leiin lungawinawpuitu an um nuol ni a hriet a ni a, HPC Serlui Block le mi dang dangin EM bêkah sie dingin party ṭhuoituhai kuomah an intlun thu, ei thulakna chun a hril.
SHC Member hai:
CEM: Lalthlamuana Hmar
Chairman: Lalmalsawma Darngawn
Dy Chairman: Lalvenhima Hmar
Executive Member:
1. C. Lalnuntlanga
2. H. Lalengzauva
3. Ricky Lalremsanga
4. (La ruot lo)
Members:
1. Lalbiaknunga
2. K. Hrangkunga
3. Lalrawngbawl Pulamte
4. Vanlalsiamsanga
5. Lalremruata Varte
Nominated Members:
1. Melody Lalchhuangzeli
2. Thangliensung
