Responsive Ad Slot

7th North East Festival a inlang ding

Saturday, November 2, 2019

/ Posted by Simon L Infimate
New Delhi, November 02, 2019, Virthli (ONP): New Delhi khawpuia festival inlar pawl tak kumtina nei hlak 7th North East Festival chu hungtlung ding 8-10th November, 2019 sung hin Indira Gandhi National Centre for the Arts (IGNCA), Janpath, New Delhi hmuna nei ning a tih.

Hi festival a hin mi inlar tak tak fiela um hai laia Hmar hnam sunga mi khawm hi huna inlang ve ding ei um nuol a nih. Hmar band inlar 'Pengpelep' hai khawm fiel anni angin November 9, 2019 zantieng dar 5 ah an perform ve ding a nih. Anni hai baka hin piengnal le hmelṭha tlawmte an thlangdawk model ding hai laia Nk. Jessica Z Hmar le Lily Darnei khawm an ṭhang ve. HSA Delhi JHQ khawmin hi huna hin hnam lam mawi tak el an inentir bawk ding a nih.


Chun, Manipur anthawka ei politician inlar Pu Lalhrillien Zote, EM, ADCC khawm hi huna ding hin Special Invitee dinga fiel ani a, Food Stall tieng pangah R&R Kitchen ~ Flavors of Manipur ti chu Pi Roselyn Lalumpui in thaw bawk a tih.

North East Festival hi kum 2013 a kha ṭan niin kumtina nei hlak a nih. Tukum edition hi kum dang neka ropui le lien a thaw tum ani a, insingsakna nasatakin a fe mek a nih. Hi huna hin music fest, rock, fashion shows, food stalls, Art exhibitions, crafts exhibition, exotic dance le dang dang hai suklang ani ding bakah hi hun hi Tourism, Textiles le North east thuom le thil siem chi dang dang zawrna le indawrna hun pawimawa hmang hlak a nih. Tukum North East Festival huoihawttu hai laia pawimaw tak el Chief Co-Ordinator khawm Pu Romeo Hmar, Jt. Secy i/c Metropolitan, Hmar Inpui GHQ ani nghe nghe a nih.
Don't Miss
© all rights reserved
made with by Simon L Infimate