Meghalaya state cabinet in MRRSA Bill a passed, drug leiin Hmar 3 man

Shillong, November 2, 2019, Virthli (ONP): Meghalaya state cabinet chun zanikhan Amended Meghalaya Residents Safety and Security Bill (MRRSA) 2019 chu a lo passed tah. Hi dan hi dan lo taka pemlut hai vegna ding ti le state dang mi a lut hai khuokhirna dinga siem a nih.

Meghalaya hi state puotieng in an bawm nasa lei le thilsuol thaw an pung hrat leia hiengang dan hi an hung siem a nih. Hi dan hi hmang tan nghal ning a ta, Meghalaya state lut ding hai chun registration an thaw a ngai ta ding a nih. Registration thaw dan ding ruok hi chu chiengtakin hriet ala ni nawh.

Hi dan dungzui hin inzinmihai, inhlawfami, sumdawngmi, le state dang mi inhluoa umhai a huoma, hi dan zawm lova registration thaw lo le information indiknaw pe hai chu Section 176 or 177 of the IPC dingzuiin hremna pek thei anni ding a nih.

October 31 khan Shillonga Hmar mi tamna hmun Madanrting ah Drug a sumdawng mi 6 hai chu Anti Narcotics Task Force le Madnanrting Police thangkawpin an man. Police thusuok dungzuiin hieng mana um hai lai hin Hmar mi nia hriet Joseph Hmar (25), Vanlalzom (40), Kimi Hmar (34) hai chu an thang.