Responsive Ad Slot

Sinlung Hills Council area huomsunga mipui Ngenna le Inhriettirna

Saturday, October 19, 2019

/ Posted by Simon L Infimate
HMAR  INPUI
( HMAR SUPREME HOUSE )
Mizoram Region
Aizawl, Mizoram- 796001

Date :19/10/2019


SINLUNG HILLS COUNCIL AREA SUNGA MIPUI KUOMA NGENNA LE INHRIETTIRNA.


Ahmasan, Sinlung Hills Council area huomsunga mipui popo Hmar Inpui, Mizoram Region chun ditsakna le lawmpuina chibai a buk cheu.


Ei hriet seng angin 1946 a inthawkin beiseina insangtak nei in Ram le Hnam in hma sawn sien, mi anga rorelna le hmasawnna neive inbeiseina chun ṭhang tamtak a liem pui zo hnungin, ei tum ram le beisei tak ni phak naw sienkhawm, mipui indikna le chanvo hmang el thei dinga Sinlung Hills Council area huom sunga umhai ei umta leiin lawm a um takzet a, Sinlung Hills Council area ai khawmin Hmar Inpui, Mizoram Region chun, iengkim a rem mi ruot pek a hma hrat taka mi la pek tu Mizoram sawrkar chunga khawm lawmthu a hril tak meu meu anih.


Chuleiin, tarik ni 05 November 2019, ei hma el a Sinlung Hills Council inthlangna dinga hin mipui in an indikna le chanvo zalen tak le ralmuong taka an hmang seng theina dingin, mi tuelkhawma ṭhang la thar seng eita, a suk ṭhuonawp zawng, buoi zawng le mipui suk chiai zawnga thusuok, riva le inrikrapna amani, pawl le mimal ang khawma neilo dingin Hmar Inpui, Mizoram Region chun a ngen in an hriettir nghal bawk anih. Hi thu hi hrie nuomlo le zawm nuom lova thawlui an um anichun, Hmar Inpui, Mizoram Region chun a do thlat a, a thei anga do let dingin hma la bawk atih ti a puong nghal bawk anih.


Atawp taka dingin Hmar Inpui Mizoram Region chun Sinlung Hills Council area huomsunga mipui popo in ṭhuoitu ṭha tak, Ram le Hnam hmangaitu indiktak le in duthusam ang taka mipui rorelna inhmang seng theina dingin Hmar Inpui Mizoram Region chun ditsakna insangtak an hlan mawlmawl cheu a, a thei ang anga mipui tlawpna le sawmdawlna beisei zing pumin mipui hma a hma la ding le rawngbawl dingin Hmar Inpui, Mizoram Region chu an pei zing anih.


Ka lawm ie.


Ram le Hnam tading in rawngbawl pui.




Sd/-                                                       

(LALBIEKSANG HMAR )                                     
General Secretary   
Cont. No. 9402544320

Sd/-

( Dr. J. DAIZOVA )
President
Cont. No. 7640821656
                                                           

                                           

Don't Miss
© all rights reserved
made with by Simon L Infimate