Aizawl, 30 September, 2019, Virthli (ONP): Mizoram HSA chu HSA, Joint headquarters, Aizawl hnuoiah insungluta, HSA General Headquarters hnuoiah zaikhata luong tlanga hnam ta dinga hmunkhata kal chawi nawk dingin vawizan khan HSA, GHQ keihruoina hnuoiah inremna thuthlung ziek fel a lo ni tah thu, ei thulâkna chun a hril.
Vawizan khan HSA General Headquarters President Pu L Rothanglien Khawbung a in, Thuampui, Aizawlah inpawlkhawmna nei a ni a, property, file, seal le thil dang danghai inhlan sâwng dan ding hai hriltlang a ni a, ngaidan hai chipchier taka hriltlang a ni hnungin HSA le MHSA chu zaikhata luonga HSA, Joint Headquarters, Aizawl hnuoiah insunglut nawka thil liem ta hnung hai theinghila, inthuruol taka hma tieng pana kalchawi dingin meeting a ṭhang hai chun inremna thuthlung an ziek a nih.
Inremna thuthlung an ziek danin property le thil rel fel ding ṭul hai chu an hma tieng bawzui dingin ti a ni bawk.
Inremna thuthlung hi HSA GHQ aiawin President Pu L. Rothanglien Khawbung, GHQ adviser Pu Lalthankunga Hmar, Hmar Inpui, Mizoram Region aiawin President Dr. J. Daizova, HSA, Joint Headquarters, Aizawl aiin President Pu Henry L Khojol, HSA Sinlung Hills Joint Headquarters aiin President Pu VL Khawbung, MHSA aiin President Pu Isak Laldawngliana le Adviser Pu Darrosanga haiin suoi an kei a nih.
October ni 3 hin Chanmari YMA Hall ah HSA Day ropuitakin ruoi leh hmang tum a ni a, hi huna hin kum 2019-2021 sunga ṭhuoitu ding thlangna khawm nei nghal a ni ding thu, ei thulâkna chun a hril.
Vawizan khan HSA General Headquarters President Pu L Rothanglien Khawbung a in, Thuampui, Aizawlah inpawlkhawmna nei a ni a, property, file, seal le thil dang danghai inhlan sâwng dan ding hai hriltlang a ni a, ngaidan hai chipchier taka hriltlang a ni hnungin HSA le MHSA chu zaikhata luonga HSA, Joint Headquarters, Aizawl hnuoiah insunglut nawka thil liem ta hnung hai theinghila, inthuruol taka hma tieng pana kalchawi dingin meeting a ṭhang hai chun inremna thuthlung an ziek a nih.
Inremna thuthlung an ziek danin property le thil rel fel ding ṭul hai chu an hma tieng bawzui dingin ti a ni bawk.
Inremna thuthlung hi HSA GHQ aiawin President Pu L. Rothanglien Khawbung, GHQ adviser Pu Lalthankunga Hmar, Hmar Inpui, Mizoram Region aiawin President Dr. J. Daizova, HSA, Joint Headquarters, Aizawl aiin President Pu Henry L Khojol, HSA Sinlung Hills Joint Headquarters aiin President Pu VL Khawbung, MHSA aiin President Pu Isak Laldawngliana le Adviser Pu Darrosanga haiin suoi an kei a nih.
October ni 3 hin Chanmari YMA Hall ah HSA Day ropuitakin ruoi leh hmang tum a ni a, hi huna hin kum 2019-2021 sunga ṭhuoitu ding thlangna khawm nei nghal a ni ding thu, ei thulâkna chun a hril.
