Responsive Ad Slot

HSA CCpur JHQ in HSA Day le kum 80 tling lawmna hunser hmang

Thursday, October 3, 2019

/ Posted by VIRTHLI
Sielmat/Rengkai October 3, 2019, Virthli (ONP): Hmar Students' Association (HSA) CCpur JHQ chun vawisun dar 11:30AM khan Sielmat tawngtaina tlang-ah HSA Day le kum 80 a tling lawmna hunser ursun takin an hmang. Hun vawngtu in Tv. Ramngaium Songate, Secy., Education.,HSA CCpur JHQ a thang a, Tv. Gulith Hriler, President, HSA Rengkai Unit in hun hawng tawngtaina a nei zoin hi huna fekhawm han " Aw Kan Hmarram " ti hla an sak a, Pu Jeffrey L. Joute, President, HSA CCpur a inthawkin thuhril tawi ngaithlak a nih.

Hi huna hin Rev. Lalsiemthar, Advisor, HSA CCpur JHQ in " Ei tawng ei hratna" thupuia hmangin thuhrilna a nei a, thu tha tak tak ngaithlak a nih. HSA GHQ tienga thuoitu- Joshua L. Amo, Secretary, Information & Publicity Department, HSA GHQ, Tuithaphai, Churachandpur khawma thuhrilna hun a hmang ve.

Hi hunser hmang huna hin Inchuklai, sin zawng mêk le HSA ṭhuoitu le hnam ṭhuoituhai ta dinga ṭawngṭai ruolna nei a nih.

Hi hunser hi Mr. Alan Hmar, Defence Secretary, HPC(D), General Headquarters khawma hi hunser hi upo ve in thuhrilna a nei ve a, thu a hril zoin HSA hai thilpek inhlanna a nei ve.


Tv. Eric L. Fimate, Gen., Secretary, HSA CCpur JHQ in lawmthu hrilna a nei zoin Rev. Lalsiemthar Joute in malsawmna hrilin hun  suktawp a ni a, fak le dawn buoitsaia umhai fak le dawn a ni zoin dit khop lo takin hi hunser hi hmang zo a nih.

Vawizan hin HSA General Headquarters innghatna HSA Campus, Rengkai chu Candle hai sitin mawi taka suk eng ani bawk a nih.
Don't Miss
© all rights reserved
made with by Simon L Infimate