Responsive Ad Slot

ICI Tuithaphai Presbytery KTP 59th Annual Conference hmang

Monday, October 28, 2019

/ Posted by Simon L Infimate
Rengkai, October 27, 2019, Virthli (ONP): Independent Church of India(ICI) Tuithaphai Presbytery KTP in October 25-27, 2019 hun sunga Rengkai ICI Biekin a "Thuawina" (1 Samuel 15:22) thupuia hmanga 59th Annual Conference an hmang chu vawizan khan a lo tumtiek tah. Conference hawngna le inhlanna Rev. Lalhmingthang, Secretary, Ministries, ICI in a nei zoin lawmlutna thucha Pu Lalnunmawi Zote, Vice- Chairman, TPKTP in hril a. Hi khawmpui sung hin khuo tum tum a KTP Unit han Solo, Group song le Hla pawlpui ah inruolsiekna an nei.

Annual Conference hmang ani huna hin Rev. Lalneikhup Hmar, PS, Rev. Hrangtinai, Mission Promoter, Pro Pastor H. Lalhmunsiama le Pastor Joseph L. Khawbung hai anthawk Pathien thucha ngaithlak a ni a. ICI Central Choir, Sielmat Bible College, khuo hran hran a KTP Unit le 2018 a Solo Competition a pakhatna latu Ms. Sylvia Lalnunmawi hai anthawk inpakna hla hai ngaithlak a nih. Hi huna hin Tuithaphai Presbytery huop sunga  Theology le Secular tienga a thawtha bik zuolhai kuomah Chawimawina thilpek inhlanna hunser hmang a ni a, KTP Unit a kum sawm inzawm zata committee members ni tah hai kuoma khawm chawimawina thilpek inhlan anih.

Hi huna hin Pu Simon Barjona Hmar, Secretary, TPKTP anthawk secretarial report ngaithlak a ni zoin inruolsiekna chi tum tum a  result puonglangna le lawmman semna hunser a hmang a. Hla pawlpui inruolsieknaah Rengkai ICI KTP Unit chu a thiem tak niin a pakhatna an lak a, a pahnina latu chu Muolvaiphei KTP niin a pathumna hi Sielmat KTP in an lak . Group Song inruolsieknaah a 1st latu chu Khawmawi KTP an ni a, a pahnina- Rengkai KTP, a pathumna hi Sielmat KTP in an lak. Solo Competition a 1st latu chu Nk. Grace Ramhluokim, Saidan KTP Unit ani a, 2nd- Gloria Lalmalsawm Khawlhring,Sielmat Unit, 3rd- Florence Lalremsien, Hmarveng Unit le 4th- Christina Hmangaithang, Khawmawi Unit hai an nih. Hi huna hin hla pawlpui inruolsiekna nei ani huna Rengkai Gilgal KTP hlapawl thuoitu- Tv. Samuel Lalmalsawm kuomah ' Best Conductor Award' inhlan ani a, common subject examna a mark hmu insangtak Nk. Melinda V. Ralsun, Saidan KTP, 2nd- Mathew Lalramlien, Saidan KTP le 3rd- Esther Pawlthuoitling, Saikawt Sub. Hqtr hai kuomah  lawmman inhlan an ni bawk.

Lawmthu hrilna Upa Ramhlunsang, Chairman, TPKTP in a nei zoin Pastor Vangsanglur in Annual Conference kharna le Benediction hrilna neiin Conference hi khar a ni a, Conference hun sung hin thlarau ruoi el chau niloin taksa ruoihai khawm the niin dit khawp lo takin hmang zo a lo ni tah.
Don't Miss
© all rights reserved
made with by Simon L Infimate