Responsive Ad Slot

HSA Assam Hills in 22nd Conference an hmang

Saturday, October 26, 2019

/ Posted by Simon L Infimate
Muolhoi, October 26, 2019, Virthli (ONP): Liemtah 24 – 25 October 2019 khan HSA Assam Hills Joint Headquarters 22nd Conference –cum- Meritorious Award Ceremony hun chu hlawtling taka hmang a nih.

Zirtawpni sûn huna rorêlna hun hmang ani a, Assam Hills JHQ huop sûnga Unit 43 le Block 2 haia inthawkin palai hai an fekhawm. Conference rorelna pawimaw zuol ṭhenkhat hai chu NC Hills (Dima Hasao) sûnga Hmar Medium School hai sukhmasawnna ding thu dam, Inchuktirtu indainawna school haia inchuktirtu nei dân ngaituo, MIL Teacher sanction post nasa nawk zuola bawzui, inchuklai hai ta dinga inhrilhrietna nei dân ding, Unit kan ding thu le Assam rama Hmar Political Movement thua theitawp a HSA in hma la dingin ti hai rêl a nih.


Rorêl zo hin 2019-21 sûnga ṭhuoitu ding inthlangna nei a ni a, hieng hai hi thlang thling an nih.

Office Bearers:
President – Pu John Mark L. Pena
Vice President – Tv. Roger L. Faihriem
Gen. Secretary – Tv. James L Selate
Asst. Gen. Secretary -   Tv. Samuel Lalramdin Tuolor
Fin. Secretary – Tv. Joseph R Ralsun
Treasurer – Nk. Ruthi Ṭhiek

Departmental Secretaries:
Education Secretary – Nk. Priscilla Buongpui
Socio & Culture Secretary – Tv. Lalrohnun Pena
Information & Publicity Secretary – Pu Isak L. Faihriem
Public Relations Secretary – Tv. Lalrawngbawl Zate
Games & Sports Secretary – Pu Elvis L Gangte
Statistics Secretary – Tv. Hmingchunghnung Khojol

Zan hunah Meritorious Award Ceremony hmang ani a, Chief Host Pu Ngamrothang Hmar, EM, NCHAC hmang a nih. Meritorious Award inchuklai thawṭhazuol bik Unit hran hrana mi 24 hai kuomah peksuok a ni a, VL Lienzau Memorial Award (HSA Assam Hills JHQ hnuoia Cl-X mark hmu insângtak pek hlak) le Darbiekṭhuom Memorial Award (HSA Assam Hills JHQ hnuoia Cl-XII mark hmu insângtak pek hlak) hai kuomah inhlan an ni a, hi baka hin KS Pulamte Meritorious Award (HSA Assam Hills JHQ member Cl-X le Cl-XII MIL Exam a mark hmu insângtak hai kuoma inhlan hlak) Hmar Literature Society (NC Hills & Karbi Anglong) in inhlanna an nei a nih. Hi huna hin Cl-X le Cl-XII inchûklai hai ta dinga MIL Guide Book buotsaia um chu HSA Assam Hills JHQ President Pu John Mark Pena in tlangzarna a nei bawk a nih.

2019-21 term sûnga ṭhuoitu ding thlang thar hai chu Rev. Kawlthanglien Infimate in thukham an neitir a, 2017-19 term sûnga Adviser, Legal Adviser le Career Counsellor hai kuomah lawmna thilpek (Memento) inhlanna nei a nih. Hlasakthiem Nk. Caroline Amo (Karbi Anglong Singing Star 2019) le Instant Free Rappers (IFR) haiin mipui hla’n an inawi a, hi hun hi nu le pa le hnam ṭhuoitu hran hran haiin an uop bawk a nih.












Don't Miss
© all rights reserved
made with by Simon L Infimate