Responsive Ad Slot

GHCF NSSU in Silver Jubilee ropui taka hmang

Monday, October 14, 2019

/ Published by LALRINTLUONG KUNGATE
Guwahati, October 14, 2019, Virthli(ONP): Liemtah ni 12 le 13 khan Guwahati Hmar Christian Fellowship hnuoia department Naupang Sunday School Union chun Kum 25 (1994-2019) tling lawmna Silver Jubilee ropui taka hmang a nih. Programme hi Day 1 le Day 2 a the ani a, Day 1 zinga dar 8:00 am in Jubilee lung hawngna Rev. Lalchawlthang Thiek in anei a. Day 1 hi EFCI Centre Pillangkata hmuna hmang niin ruoi inhnik tak kiltlang a nih. Hi ni hin KTP, NSSU han item hmu nuom um tak tak mipui fekhawm hai inentirna an nei. Jubilee Message Pi Lienkhawtling, Pu Sangkhum Joute Representative NSSU han hrilna an nei a nih.

Day 2 khawm Programme hlimum tak Guwahati Hmar Christian Fellowship Biekin Pillangkata a hmang nawk ani a, hi ni hin NSSU Department in Silver Jubilee hla Single Music Video tlangzarna nei a nih. Hi Music Video hi NSSU Department sunga Naupang Sunday School Union members hun lo taka fam lo chang ta hai (1) Np. Japheth Lienzakhum (2) Np. Donald Paominthang (3) Np. Lalrammawi hrietzingna dinga inhlan an nih. Thuhrilna Rev. Dr. HM Songate, Local Pastor Vanlalsang Khuptong le Rev. Lalchawlthang Thiek haiin hrilna an nei. Zantieng Silver Jubilee ruoi inhnik tak kiltlang nawk a nih. Hi ni hin kum 25 sunga NSSU hotu le Representative hai Momento mawi tak inhlanna nei ani bawk a nih.










































Hi




































































Don't Miss
© all rights reserved
made with by Simon L Infimate