Jorhat, September 16, 2019, Virthli (ONP): Jorhat Hmar Welfare Association (JHWA) hai hmalakna in September 14, 2019 khan Hotel Jironi, Jorhat ah "Upper Assam Hmar Intuokkhawm le 6th JHWA Freshman Social program chu hmang a nih. Hi huna hin Pu Darzakhum Songate chu Chief Guest a hmang niin, Guest of Honour in Pu TJ Robert Tuolor le Pu Kaprosang Joute chu Chief Host a hmang niin hun hlimum tak le hlawk taka hmang a nih. Hmar rimawi khawvela hming ser mek Nk. Mercy Lalumpui, Tv. Zawlkapthang Thiek (Pengpelep) le B. Lalsanglien Inbuon haiin thiem takin mipui hla in an inawi. Hi huna hin inchuklai le sawrkar sin thaw mi thar 7 lai lawmlut niin Ruoi inhnik tak el thein Sikpuiruoi hma poa dingin ditkhawp naw tak le thlakhla tak pumin zan dar 9 ah hi hun hi suktawp a nih.
