Responsive Ad Slot

Chungsiara Inzie - Written in The Stars

Tuesday, September 17, 2019

/ Published by VIRTHLI
RELEASING SOON!

EXCAVATION STUDIOS & MUKHENZ BOYZ PRESENTS

Chungsiara Inzie - Written in The Stars
(Hmar Film thar Official Trailer suksuok ani tah)

Hmar film thar " Chungsiara Inzie" hi tukum October thla a tlangzar hman dinga riruong le buotsai mek a nih.


Directed by: Duduk Zate
Produced by: Ngamrothang Hmar
Written by: Mukhenz Boyz
Lyrics: Lalringlien & Jehova
Cinematography: Duduk Zate

Starring: Lily Darnei, Jamie Thiek, Clandy L. Intoate
Production Manager: Remruotsang Hmar
Production Designer: Lalsanglien & Robinson Puruolte
Sound & Scores: Aming Hrangchal
Make up & Costume: Summer Jazz



Hi Film hi Halflong le Umrangsuo a hai uluk taka shooting nei a ni a, a nal le nal naw thu niloin hnam in entlak Film a mamawzie hre a an buotsai a ni thu an hril a. Music video el chau ni ta loa, Film tieng panga inchawmkai a tul zie le Film siemna tieng a hin hmasawnna le changkangna sirbi ei hraw ve a ngai anih ti hrezinga an siem a ni thu an hril. Film tienga ei lungril hai ei inlen theina din ti beiseia hi film hi siem ani thu buotsaituhai chun Virthli Palai an hril.

Hi Film hi Pu Ngamrothang Hmar, Executive Member, North Cachar Hills Autonomous Council in a produce a ni a. Ei hnam nunphung le ei tawng hai chawilarna le humhalna kawnga tangkai thei ding film siem hi uor nawk zuol dingin le, thu le hla el chau nilova film tienga khawm thang la hung thar peihai ta dinga hnam rothil tling thei ding khawp film hi siem pei nisien ti a nuom thu a hril a. Hnam ta dinga tangkai thei ding film buotsaia um le hma tieng peia Hmar film siem a ni nawk huna hai a thei ang ang a suo ve ding thu Virthli Palai a hril.

Hi Film hi 2019, October thla lailung lai vela Halflong khawpuia tlangzar hman tum a ni a. Tlangzar a ni pha YouTube ah kapkai nghal ni nawng a ta, ticket inchawa en thei dingin SHOW nei hlak ning a tih. Hi film buotsaituhai chun Halflong/Muolhoi a chau niloin hmun hrang hrang a Hmar nauhai chengna-ah SHOW hi nei pei an tum thu an hril bawk.

Hi Film hi a Official Trailer en ringawt khawma a muk hle ding a nih ti hriettheiin a um, nghakhla a um ta hle.
Don't Miss
© all rights reserved
made with by Simon L Infimate