CCPur/Rengkai, Virthli (ONP): CCPur phairuom Tuiṭhaphai laia "Operation
Tuiṭhapui" le inzawma Chura - Sugnu Road a um Rengkai Tuiṭhapui Leilak
laia hmunhnawk peina hlak hmun le Tuiṭhapui vadung sukfaia um August 5,
2019 zingkar a Rengkai khawtlang ṭhuoitu fielna anga Pu T. Paukhanlian
Chairman, ADC Churachandpur le a hnungzuitu EM, MDC ṭhenkhat, CEO, EO
(Town), Rengkai khawtlang ṭhuoitu le hnam
tlangval HPC(D) ṭhuoitu ha'n an enfel le kan tlang hun a rawtna an lo
siem tah ang ngeiin hi leilak hi chei thar le hmunhnawk pei ding dangna
fencing net zar zo a lo ni tah.
Fencing hi a tir le ADC Churachandpur chun thing le green house
net/plastic net a siem dinga an ti nisienlakhawm an ti neka ṭhain thir
vawnga siemin Rengkai khawtlang ṭhuoitu ha'n sum seng belsain an siem
puia, Aug 26, 2019 a kha zofel a lo ni tah a nih.
Rengkai Tuiṭhapui Leilak lai hi Rengkai khuomi chau nilo, khuo puotieng mi khawma hmunhawk peina taka an hmang rawpna hmun a nih. Suksuoltu chu sawrkar dan ang taka in chawi (fine) tir thei anni tahnung khawma hi anga hmunhnawk pei ding dangna siem a la ngai hiel hin mitinin hmunhnawk pei ta lo ding le Tuiṭhapui vadung sukthienghlim ditna lei lieu lieu a nih ti a sukchieng hle.
Hmun dang Tuiṭhapui vadung le inzawm hmunhnawk peinaa hmang hlak hai khawm suk tawp dan ding bakah ADCC in a'nduong khawtlang faina le inzawma hmalakna femek sienlakhawm civic sense mipuiin an la tlasam hle ti hmu theiin a la um zing!
Hi Rengkai Tuiṭhapui Leilak hril a um hi a hrawtu mihriem le inlirthei an tamin lun ve tak el a nih a, hi lai hmun a hin khuo hran hran a mi inruithei inpe sawng le thaw an lo um hlak hriet a ni leiin hi ang ching hai chu thaw ta lo ding le an phu ang tawka hrem thei an ni ding thu Rengkai khawtlang ṭhuoitu hai chun mipui hriet dingin inhriettirna an siem nawn nawk bakah Rengkai Tuiṭhapui Leilak lai hmunhnawk tukhawma pei ta der lo ding le Rengkai khawsunga Tuiṭhapui vadung vawng thiemhlima, enkaipui ṭha dingin mitin an ngen a nih
Rengkai Tuiṭhapui Leilak lai hi Rengkai khuomi chau nilo, khuo puotieng mi khawma hmunhawk peina taka an hmang rawpna hmun a nih. Suksuoltu chu sawrkar dan ang taka in chawi (fine) tir thei anni tahnung khawma hi anga hmunhnawk pei ding dangna siem a la ngai hiel hin mitinin hmunhnawk pei ta lo ding le Tuiṭhapui vadung sukthienghlim ditna lei lieu lieu a nih ti a sukchieng hle.
Hmun dang Tuiṭhapui vadung le inzawm hmunhnawk peinaa hmang hlak hai khawm suk tawp dan ding bakah ADCC in a'nduong khawtlang faina le inzawma hmalakna femek sienlakhawm civic sense mipuiin an la tlasam hle ti hmu theiin a la um zing!
Hi Rengkai Tuiṭhapui Leilak hril a um hi a hrawtu mihriem le inlirthei an tamin lun ve tak el a nih a, hi lai hmun a hin khuo hran hran a mi inruithei inpe sawng le thaw an lo um hlak hriet a ni leiin hi ang ching hai chu thaw ta lo ding le an phu ang tawka hrem thei an ni ding thu Rengkai khawtlang ṭhuoitu hai chun mipui hriet dingin inhriettirna an siem nawn nawk bakah Rengkai Tuiṭhapui Leilak lai hmunhnawk tukhawma pei ta der lo ding le Rengkai khawsunga Tuiṭhapui vadung vawng thiemhlima, enkaipui ṭha dingin mitin an ngen a nih
