Muolhoi, September 5, 2019, Virthli (ONP): N.C Hills Indigenous Student Forum (NCHISF) le N.C Hills Indigenous Women's Forum (NCHIWF) hai chun mipui mamaw hai le ṭul hai ngaituo in, Pu Chandra Mohan Patowary, Hon'ble Cabinet Minister of Transport, Industry & Commerce Etc., Govt. of Assam chu Haflong Circuit House ah inpawlpuina le memorandum pêklûtna an nei. Hi an memorandum pek a hin Bus service Haflong a'nthawk Jinam Gath via Mahur, Laisong & Hangrum chu Assam State Transport Corporation hnuoia hnina an siem.
Ei hriet ta angin NC Hills Autonomous Council hnuoia Constituency laia upa pawl tak laia mi Jinam Valley hi tuchen hin Public Transport Bus ti hai hi intlân tir a la ni ngai naw a, khuol inzin mi mipui tading hin Private motor hai a sum tamtak sênga inzin an ni hlak, Transport Minister hung inzin hi remchânga la in NCHISF le NCHIWF hai chun memorandum hi an lo pêk a nih. Hieng khuo a hraw ding hai hi a bîkin IPF Family Hmar, Kuki le Zeme khuo an ni tlângpui.
Pu Chandra Mohan hin hieng anga mipui mamaw ngaituo leia hmalatu hai kuoma a lawm hlê thu hrilin Assam ram sûnga tlângram kilkhawr khawm nisien a theina zawna dawmsâng le suk changkâng chu a mawphurna a ni thu hril in beisei um tak lê hmatieng inrawntuo pei dingin a hril.
Ei hriet ta angin NC Hills Autonomous Council hnuoia Constituency laia upa pawl tak laia mi Jinam Valley hi tuchen hin Public Transport Bus ti hai hi intlân tir a la ni ngai naw a, khuol inzin mi mipui tading hin Private motor hai a sum tamtak sênga inzin an ni hlak, Transport Minister hung inzin hi remchânga la in NCHISF le NCHIWF hai chun memorandum hi an lo pêk a nih. Hieng khuo a hraw ding hai hi a bîkin IPF Family Hmar, Kuki le Zeme khuo an ni tlângpui.
Pu Chandra Mohan hin hieng anga mipui mamaw ngaituo leia hmalatu hai kuoma a lawm hlê thu hrilin Assam ram sûnga tlângram kilkhawr khawm nisien a theina zawna dawmsâng le suk changkâng chu a mawphurna a ni thu hril in beisei um tak lê hmatieng inrawntuo pei dingin a hril.
