Hmarkhawlien, September 4, 2019, Virthli (ONP): Hung tlung ding September 14, 2019 nia RATARC Training Hall, Hmarkhawlien khuoa HSA in Executive Council nei dinga a ko chu Hmarkhawlien Village Authority (HVA) in an phal nawh.
HVA chun RATARC Training Hall thuneitu hai lekha pein, HSA Executive Council chu an Hall ah inneitir lo dingin an hriettir a, HVA chun phalna boin inkhawm/meeting Hmarkhawlien khuo puotienga organisation hai nei a remti naw thu an lekha a chun an ziek.
Hi thu le inzawm hin HSA GHQ thuoitu hai Virthli chun biepaw in, HSA chun Hmarkhawlien khawsung ah iengkhawm suksuol a nei nawa, hi inkhawm hi Assam, Manipur, Mizoram, Meghalaya le hmar umna le hmar hnam huop thil pawimaw iemanizat le kum tawpa Saiphai, Sinlung Hills a 57th General Assembly nei ding le inzawma inkhawm hi ko ani thu, iengkhawm Hmarhawlien khawsung thil le inzawmna a nei naw thu an hril. Hmar hnam huopa pawl ani leiin Hmar hnam inchuklai hai ta dinga thiltha ngaituo ani leiin Hmar khuo ah phalna lak hran a ngaiin a hriet naw thu, hieng ang thil hi Hmar hnam sunga le Hmar khuoa thiltlung ngai lo ani thu le mak an ti thu HSA thuoitu hai chun Virthli palai an hril.
HVA chun RATARC Training Hall thuneitu hai lekha pein, HSA Executive Council chu an Hall ah inneitir lo dingin an hriettir a, HVA chun phalna boin inkhawm/meeting Hmarkhawlien khuo puotienga organisation hai nei a remti naw thu an lekha a chun an ziek.
Hi thu le inzawm hin HSA GHQ thuoitu hai Virthli chun biepaw in, HSA chun Hmarkhawlien khawsung ah iengkhawm suksuol a nei nawa, hi inkhawm hi Assam, Manipur, Mizoram, Meghalaya le hmar umna le hmar hnam huop thil pawimaw iemanizat le kum tawpa Saiphai, Sinlung Hills a 57th General Assembly nei ding le inzawma inkhawm hi ko ani thu, iengkhawm Hmarhawlien khawsung thil le inzawmna a nei naw thu an hril. Hmar hnam huopa pawl ani leiin Hmar hnam inchuklai hai ta dinga thiltha ngaituo ani leiin Hmar khuo ah phalna lak hran a ngaiin a hriet naw thu, hieng ang thil hi Hmar hnam sunga le Hmar khuoa thiltlung ngai lo ani thu le mak an ti thu HSA thuoitu hai chun Virthli palai an hril.
