Responsive Ad Slot

Chairman, Mizoram State Law Commission dingin Pu Lala Khobung

Thursday, September 5, 2019

/ Posted by VIRTHLI
Aizawl, September 05, 2019, Virthli(ONP): Law & Judicial Department, Govt. of Mizoram thusuok dungzui chun Pu Lala Khobung chu Chairman, Mizoram State Law Commission dinga ruot a nih. Hi post hi Minister of State rank anghu a hril a nih.

Pu Lala Khobung hi Deputy Chief (Legal) Joint Electricity Regulatory Commission for Manipur & Mizoram sin term 11 lai zet lo chel tah a nih. 1977 khan Delhi University a inthawkin LLB a zo a. Gauhati High Court hnuoiah Advocate kum 10 chuong a practice hnungin kum 1988 Pu Laldenga, Mizoram Chief Minister ani lai Mizoram a sin thaw dingin a fiel a. Chu dungzui chun Mizoram Judicial Service (MJS) a sin thawin kum 2010 khan MJS Grade-I a inthawkin a lo pension a nih.

Pension a hmu hnung hin All India advertisement dungzuiin le Personal interview hai fethlengin 27th January 2011 khan Joint Electricity Regulatory Commission for Manipur & Mizoram hnuoi a Deputy Chief (legal) post kum 2 sung chel dinga lak ani a, a term a hmang zo hnungin term 11 lai zet a chel zawm a nih.
Don't Miss
© all rights reserved
made with by Simon L Infimate