Responsive Ad Slot

CURFEW LE FLAG MARCH

Monday, September 2, 2019

/ Posted by VIRTHLI
1. THUHMA

Curfew

Vantlang boruok public peace suksie theitu sukrena dingin curfew puong hlak a nih. Curfew ti chu tuol suok awi lo, mani insung ah chu hun sung po inkhum char char ding tina ang deu a nih. Chu chu "restriction of outdoor activities" khawm ei tih.



Army Flag March

Flag march ti ruok hi chu Army hai patrolling duty a nih. Hi hun a hin Army in force hmangin public peace suksie zawnga buoina siem tum le siemtu hai an do hlak.

Police hai khawma election tawm, election hun le result suok zo iemanichen flag march an nei ve hlak.

2. LAW AND ORDER

Crime, public peace le vantlang boruok law and order hai hi state Police enkai an ni a. Army ruok chun India ram defence tieng a enkai.

Amiruokchu, khawtlang ah boruok tha lo dam a suok thut a, mipui lai buoina a sosang thut annawle ramhnuoimi inletphekhek leia vantlang boruok sie tah suk sosang thei thil le hun tha lo dam a um hlak a. Khawlaidung ah mi tam tak suokin intuolvuok pal an tih ti inlauna dam sawrkarin a nei pha civil administration thuoitu DC in Sec 144 CrPC a puong hlak. Mipui thaw ding le ding naw iemanizat tlangzar a ni hlak.

Curfew hi chu "extended version of 144 CrPC" an ti hlak. "Restriction of outdoor activities for specific period" chu curfew ei tih.

Chun 144 CrPC le Curfew zam hnung khawma boruok a la zangkhai naw chun DC in Army hai thangpuina a hni hlak. Chu pha pha Army le Police thangkawpin khawtlang buoina sosang mek le inletphekhek pawl hai chu sukchimit an tum hlak. Hieng hun a Army patrolling duty hi Army Flag March ei tih. Flag march hi mipui confidence building hriemhrei pawimaw tak a nih. Amiruokchu, hieng hun a hin vantlang mipui hai hi hmelma enin an en ngai nawh. Boruok sie tah sukzangkhai tuma Police thangpui malama hma latu mei mei an nih ti an hriet zing.

3. THUKHARNA

Sec 144 CrPC puongna hmun popo ah curfew an zam kher ngai nawh. 144 zamna ah "grave situation" a tlung thei chun curfew puong a ni hlak.

Curfew puong a ni khawma bazar kai hun le sin tul thaw hun hawng a ni hlak. Chun emergency thil ah thuneitu hai phalna lak thei a nih.

Army Flag march ruok hi chu boruok sosang sukrena hriemhrei a ni a. Hi hun sung a boruok tha lo siemtu mana um hai jail thaklut thei an nih.

Chun trouble mongers man khawm an nia, khawtlang boruok public peace that tieng a pan thei pha pha DC in curfew a suktawp hlak. Chu pha pha Army flag march khawm an chawltir hlak.

Curfew le Army Flag March puong a ni ta chun fimkhur tum seng ei tiu. Curfew en dingin suok tum ngai naw manih!

-Lakhawmtu

James A. Songate, APS
DSP (Law and Order), Sivasagar, Assam

2.9.2019
Don't Miss
© all rights reserved
made with by Simon L Infimate