Imphal/Tuiṭhaphai, Virthli (ONP): Information and Public Relation (IPR)
Minister Mr. Thongam Biswajit Singh chun Sept. 6, 2019 khan conference
hall, Minister’s Office, New Secretariat-ah Manipur State Journalist’s
Welfare Scheme hnuoiah famtah Pu Joseph Joute, Co-Editor, Hmasawnna Thar
nuhmei Pi Lalramsiem Joute kuomah Rs. 2,00,000/- cheque an hlan.
Hi huna minister in media hai hmaa thu a hrilna a chun, state sawrkar
hmalakna in Manipur Journalist Welfare Scheme chu 2017 khan ṭan a ni thu
a hril a, state i hrietpui journalist hai ṭhangpuina ding le inrang
deua journalist le an sunghai kuoma ex-gratia pekna dinga buotsai a ni
thu a hril.
Minister in a hril peinaah, tuchena hin tlangram biela Journalist 3 hai exgratia le medical ṭhangpuina in Rs. 5,00,000 pek a nita thu a hril a, phairam biela ex-gratia le medical ṭhangpuina journalist 9 hai kuoma Rs. 12,00,000 pek a nita thu a hril.
A rengin Rs. 17,00,000 chu Corpus Fund Rs. 10 crore a inthawk hmang a nita thu a hril.
Media haiin an sin an thawna kawnga harsatna tam tak an tuok chu hrepuiin department chun Manipur Working Journalist’s Pension Scheme, 1996 a dingin journalist 98 hai enrolment chu approved a thaw pek bawk a nih. Minister chun media hai sinthaw an pak a, state sawrkar chun pension hlaw khawm an hmatieng a sukpung a tum thu a hrilsa bawk.
A hril zawmna ah, Keisampat hmuna Directorate of Information and Public Relations Office Building bawl meka um chu tukum December a bawl zo hman tum a ni thu a hril a. Department chun Best Editor Award sumfai chu Rs. 25,000 a inthawk Rs. 40,000 a sukpung dingin approval a hmu ta thu a hrilsa bawk.
Hi hunser hmangna a hin Commissioner IPR Mr. Kh Raghumani Singh, IAS, Director IPR, Mr. Heisnam Balkrisna Singh, Assistant Publicity Officer (Press) Km Tenshubam Sangeeta le Directorate official hai an ṭhang tawl.
Pu Joseph Joute hi taksa bawrsamna leia RIMS, Imphal a enkawl a umin, hun sawt khawm enkawl a ni hman hmain liemtah June 28, 2019 sun dar 1 vel khan fam a chang a nih. Hmasawnna Thar a Co-editor sin a thaw lai zinga fam chang a nih. Ama hi Hmar laia Journalist inlar ve tak el le media hran hran a hai lo ṭhang tah hlak a nih.
With input from HT Daily
Minister in a hril peinaah, tuchena hin tlangram biela Journalist 3 hai exgratia le medical ṭhangpuina in Rs. 5,00,000 pek a nita thu a hril a, phairam biela ex-gratia le medical ṭhangpuina journalist 9 hai kuoma Rs. 12,00,000 pek a nita thu a hril.
A rengin Rs. 17,00,000 chu Corpus Fund Rs. 10 crore a inthawk hmang a nita thu a hril.
Media haiin an sin an thawna kawnga harsatna tam tak an tuok chu hrepuiin department chun Manipur Working Journalist’s Pension Scheme, 1996 a dingin journalist 98 hai enrolment chu approved a thaw pek bawk a nih. Minister chun media hai sinthaw an pak a, state sawrkar chun pension hlaw khawm an hmatieng a sukpung a tum thu a hrilsa bawk.
A hril zawmna ah, Keisampat hmuna Directorate of Information and Public Relations Office Building bawl meka um chu tukum December a bawl zo hman tum a ni thu a hril a. Department chun Best Editor Award sumfai chu Rs. 25,000 a inthawk Rs. 40,000 a sukpung dingin approval a hmu ta thu a hrilsa bawk.
Hi hunser hmangna a hin Commissioner IPR Mr. Kh Raghumani Singh, IAS, Director IPR, Mr. Heisnam Balkrisna Singh, Assistant Publicity Officer (Press) Km Tenshubam Sangeeta le Directorate official hai an ṭhang tawl.
Pu Joseph Joute hi taksa bawrsamna leia RIMS, Imphal a enkawl a umin, hun sawt khawm enkawl a ni hman hmain liemtah June 28, 2019 sun dar 1 vel khan fam a chang a nih. Hmasawnna Thar a Co-editor sin a thaw lai zinga fam chang a nih. Ama hi Hmar laia Journalist inlar ve tak el le media hran hran a hai lo ṭhang tah hlak a nih.
With input from HT Daily
