Hmar Inpui Consultative Meeting: Tuiṭhaphai Chapter

CCPur, September 07, 2019, Virthli (ONP): Hmar Inpui GHQ chun hungtlung ding 10th September, 2019 hin L.J. Memorial Hall, Life Café Building Rengkai, Churachandpur, Manipur ah “Tho ei ta, inngir takluong ei tiu khai.” Nehemia 2:18 ti thupuia hmangin Consultative Meeting: Tuiṭhaphai Chapter buotsai a tum.


Tuta Hmar Inpui thuoitu hai chun thlaruk liem tah sung khan an theitawp suo-in ei hnam ta dingin sin an an lo thaw ve tah a. Tuhin kum hni le a chanve lai ei hnam ta dinga rawngbawlna ding hun la neiin, Pathien hratna ringsanin theitawp suo tumin hma an lak mek bawk a nih. Hmar Inpui Consultative Meeting: Tuiṭhaphai Chapter hin hun lo liem tah a an hmalakna hai ieng ang am a nih, ti hrepui ding le hun dang an la nei sunga an hma lak tum dan hai zalen taka thlira hriltlang nuomna leiin hi Consultative Meeting: Tuiṭhaphai Chapter hi buotsai tum ani thu Hmar Inpui GHQ chun a hril.

Hi Consultative Meeting a hin hnam ta dinga thahnemngai, rawn tlaka ngai Organization, Kohran, Khawtlang ṭhuoitu ai-aw thei ding, mimal ngaidan pe thei dinga an ngai hai chu fiel bik ning an tih. Hi Consultative Meeting hin hnam damna dinga ngaidan ṭha hai thurdawk ngei beisei a nih. Hi hun hi a hnuoia ang hin hmang tum a nih;


A Hun: 1 – 4 P.M. The 10th September, 2019
A Hmun: L.J. Memorial Hall, Life Café Building
Rengkai, Churachandpur, MANIPUR


Opening Prayer: Rev. Alan L Thiek
Introduction and Brief Report: Joseph R. Hmar, President, Hmar Inpui, GHQ
Special Number: Teressa & Catherine
Discussion and Sharing from the Invitees: 
Vote of Thanks: Francis Songate, General Secretary, Hmar Inpui, GHQ
Closing Prayer: Rev. Lalneilien Khawbung


Light refreshment will be served

*RSVP: 7085343057, 8974562199