Responsive Ad Slot

HSA CCpur College Freshers' Meet 2019 hmang

Sunday, September 1, 2019

/ Posted by Simon L Infimate
Rengkai, September 1, 2019, Virthli (ONP): HSA Ccpur College chun August 31, 2019 khan Vision Academy Auditorium, Rengkai-ah Freshers' Meet-cum-Felicitation program hlimtlang takin an hmang. Hi huna hin Guest of Honour in Pu Emmanuel Sungte, Post Master, Singngat Sub-Division a thang a, Functional President le Chief Host in Pu L. Ruoivel Pangamte, Associate Professor, CCpur College le Pu Jeffrey L. Joute, President, HSA Ccpur JHQ an thang. Chief guest ruok chu remchang nawna leiin hi hunser hi a hung uop ve thei nawh.

1st Session ah Tv. Samuel Lalmalsawm le Nk. Mercy Zolienkim chu hun vawngtu niin hun hmasa tieng " Aw Kan Hmarram" ti hla mipuiin an sak a, Nk. Mercy Lalramthar-in hun hawng tawngtaina a nei zoin Tv. Crossngaisang Fimate, President, HSA Ccpur College Unit in lawmlutna thucha hrilna a nei a, Nk. Ramnieng, Secy., Education, HSA Ccpur College in tukum a HSA members CCpur College a graduate thar mi 163 hai kuomah chawimawina thilpek inhlanna a nei.

Guest of Honour Pu Emmanuel Sungte in thu a hril a chun hlawtlingna ding chun takinningna a pawimawi zie thu le uluk taka thil hi thaw hlak ding ei nih tiin a hril a, inchuklaihai chu hrietna kawnga dangchar dingin le hriet nuomna lungril nei hlak dingin an fui tawl. Guest of Honour Pu L. Ruoivel Pangamte in thuhrilna a nei huna hin tumruna a pawimaw zie thu, mobile phone hi a tha zawnga hmang dingin le insumtheina le indikna nei dingin inchuklai hai an fui tawl. Chief Host Pu Jeffrey L. Joute khawma thuhrilna neiin hnam thil le inzawma hunser ei hmang hai hi ngai pawimaw hlak ei tiu a, tulaia thangthar hai indona chu thiemna, inchukna (education) a ni thu hrilin thangthar inchuklai hai mawphurna insang zie le thang har a tul zie thu hai ursun takin a hril.



Hi huna hin graduate thar hai le Freshers mi 200 hai laia hi huna thang mi 15 hai Pro Pastor H. Lalhmunsiama in tawngtaipekna a nei a, Tv. Benjamin Lalngilnei, Secy., HSA Ccpur College in secretarial report pekna a nei.

2nd Session ah Mr & Miss HSA Freshers' thlangna nei a ni a, Mr & Miss HSA Freshers in Tv. Jehovah le Nk. Malory Thangsuokim thlang an nih. Best Costume in Tv. Stephen Sanate le Nk Lydia Lalvarzing thlang an ni bawk.

Hi hunser hmang huna hin Artist-  Nk.Mercy Lalumpui, Tv. Jehovah Zobullien, KZ Zawlrotling, Christina Khawbung, Grace Lalramchuon, Grace Ramhlunmawi han hla sakin mipui an inawi a, lam hmu nuom um tak el Jeffrey Ngurte le Grace Ngurte in inentirna hun an nei. Vote of thanks Benjamin Lalngilnei, Secy., HSA Ccpur College Unit in hrilna a nei a, hun khar tawngtaina Mr. Khuplal Songate, Convenor, HSA Ccpur College Unit a nei zoin, freshers hai lawmlutna dinga ruoi buotsaia um hlimtlang takin kiltlang a nih.

Don't Miss
© all rights reserved
made with by Simon L Infimate