Responsive Ad Slot

Vairam a rannung vai, Uisa hme le thil inru hlak hai hriet ding

Sunday, August 25, 2019

/ Posted by VIRTHLI
A. Rannung vai le uisa

1. Bawng le vawk vai lai haiin mi huon an suksiet a, huonsunga thil um an suksiet a ran neitun suksiet manhu chawi a tih. Thla ruk jail intang theina a ni bawk.

-Cattle Trespass Act 1871

2. Sakhuona thil, medical, research le economic thil le inzawm lova a that nawna hmuna bawng, lawi le ran dang dang that phal a ni nawh.

-Cattle Preservation Act 1950

3. Cheng sawm neka tam manhu rannung hrim hrim indiklotaka thattu chu kum hni jail an tang thei. Bailable.

-Sec 428 IPC



4. Bawng, vawk, sakawr, etc cheng sawmnga neka tam manhu indiklotaka lo thattu chu kum nga jail, thiemnaw a chang chun. Bail thei.

-Sec 429 IPC

5. Rannung chunga kutthlaktu chu thla thum jail intang a tih.

-Animals Act 1960

6. Ui vai sia, enkawl tha naw leia mi a lo sukhliem chun thla ruk jail.

7. Ui in mi a sehlum chun ui neitu chu kum sari jail intang a tih.

-Sec 304A IPC

B. Stray dog

1. Stray dog thattu chu Police in an man thei. IPC le PCAA hnuouia offence a nih. Ui thata um kha post mortem thaw tul a tih.

2. Ui suknawmnattu khawm hrem thei. Amiruokchu, Police in an zuk man el thei nawh. Dan le dun a um. Suknawmnata um ui kha Police kuta pekdawk a tul a. Medical test neipui ning a tih. Veterinary Doctor in enkawl a ta. Tul le tha a ti chun insuo theina certificate pedawk a tih.

3. Ui inhmang sui ding chun a ui neitun complaint, a ui piengphung description le photo Police kuta pedawk phawt a ta. Ui kha Police in an lo hmudawk thei chun, a neitu intipa hril le zawngdawka um ui kha an inang ngei ding a nih. An lo inang naw chun Police i zawngdawk ui kha ui inhmang kha a ni thei nawh.

C. Rukru 

~Thil inruk ei ti chun thil lak a um kha chawilawn thei thil ning a ta. A lahmangtu in a thil chawilawn neitu hrietpui lova a lak a ni ngei ding a nih. Chun hmun khat a inthawka hmun dangah kha thil kha a sawn ngei a tul.

Hremna

1. In sung, motor le lawnga thil lo inrutu chu kum sari jail. Police bail thei lo.

2. Public area a thil inrutu chu kum thum jail. Police in bail an pek thei nawh. Anachu, nuhmei, kum sawmparuk tlinglo, damnaw le piengsuol chu Police in bail an pek thei.

3. Thil enkawltu le clerk in thil an ruk chun kum sari jail.

4. Rukru pahni neka tam laia thang chu kum sari jail.

5. Rukru thil zawr lo inchawtu chu kum thum jail. Police bail theilo.

6. Rukru thil inruk lo thuptu chu kum thum jail. Police in bail an pek thei nawh.

7. Rukru bu lo infatirtu le in ah lo inriektirtu chu kum nga jail.

8. Thil tha naw thaw tum a suna mi ina a ruka luttu chu kum thum jail.

9. Thil tha naw thaw tuma zana mi in a a ruka lo luttu chu kum nga jail.

10. In neitu phalna la lova in neitu suosal annawle inselpui dinga mi dang in a luttu chu kum thum jail.

11. Force hmanga mi Inah thil van rutu chu kum sawm jail intang a tih.

12.  Force hmanga highway lampuia thil van rutu chu kum sawmpali jail intang a tih.

13. Mi panga neka tamin force hmangin mi Inah thil an inruk chun damsung jail intang an tih.

-Sec 337 IPC

*Lakhawmtu

Dada le Jojo-pa
Hmarkhawlien, Cachar, Assam

25.8.2019
Don't Miss
© all rights reserved
made with by Simon L Infimate