Responsive Ad Slot

Thil thanawa sumdawngna le inzawma Shillong Hmar Welfare Society thusuok

Thursday, August 8, 2019

/ Posted by Simon L Infimate
Shillong, August 08, 2019, Virthli (ONP): Shillong khawpuia sawrkar thilkhap a sumdawng Hmar mi man a an um vetna thu le inzawmin Shillong Hmar Welfare Society chun thusuok an suo. Thil thanawa sumdawng hai thiem naw an changa, tawpsan nuom lo hai chun Shillong khawpui suoksan nghal dingin an hriettir a, hieng ang thil thanaw dotu dingin Hmar Community Defence Party indin ani thu, hi chungthu le inzawmin Public Meeting a ko thu hai a hnuoia an thusuok chun a tarlang.
------------------------------

HMAR WELFARE SOCIETY
Office: Madanrting, Shillong-21
Regd No SR/HWS 426/90 of dated 18.01 1990
No. HWS/Cir./2017/2019-20/
Date: 06-08-2019

HMAR WELFARE SOCIETY, VAL-UPA, HYA SHAN BRANCH & SINLUNG BRANCH JOINT MEETING THUSUOK

Hmar Welfare Society, Val-Upa Shillong le HYA Shillong (Shan Branch & Sinlung Branch) hai Joint Meeting tarik 03-08-2019 Resolution No 1 na chun, a hnuoia ang hin thusuok a siema. Shillong sunga cheng Hmar Nauhai po po in zawm ngei dinga inhriettir ei nih. 

Shillong-a Hmar nauhai thenkhat Sawrkar thilkhapa (Drug-haia) sumdawngin Anti Narcotic Task Force (ANTF) East Khasi Hills District-hai le Police hai man chen tuoka chanchinbu dang danga insuoa an uum leia Hmar hnam hming setaka a um le mi tawng thanaw chen tuok a ni thu hi PAWI TIIN KAN DITNAW IN THIEMNAW KAN INCHANG. Shillong-a Hmar nauhai lai hieng ang thil thanaw hi um talo dingin sukbo ngei nisien kan tia hieng ang Sawrkar thilkhapa (Drug-haia) sumdawng zawr-le inchawk hi a thawtuhai chun tawpsan dinga inhriettir an nih. Tawpsan nuomnawtuhai chun mani hnam chanpui le midanghai suksietnawna dingin Shillong suoksan nghal dinga inhriettir an ni bawk.

Shillong-a Hmar nauhai damdawi inruithei zawr-le-inchawk (Sumdawng) hai khapna dingin Hmar Community Defence Party (CDP), Val-Upa inrawina hnuoiah indin a nia. Shillong-a khawtlang thuoitu pawl dang dang hai le Sawrkar thuneituhai leh inhrepaw peia sin thaw an ni ti inhriettir ei nih.

Hi thusuok hai inhrilhriet/inhrilfiena ding hin Hmar Welfare Society, Val-Upa Shillong le HYA Shillong (Shan Branch & Sinlung Branch) JOINT MEETING chun Shillong sunga Hmar nauhai bik dingin mipui inkhawm (Public Meeting) ko a nia, a hnuoia hmun le hun ruot a hin mitin thang seng dinga inhriettir ei nih.

A hmun: EFCI Centennial Hall, Evangelical Centre, Demthring Shillong-21
A hun: 12-08-2019 11.00 am 

(Upa Dr. Zawlthanglien Changsan)
President

(Upa Lalsiemthang)
Secretary

Don't Miss
© all rights reserved
made with by Simon L Infimate