Responsive Ad Slot

LEGAL AWARENESS: RAMHNUOIMI, SILAI LE BOMB

Monday, August 19, 2019

/ Posted by Simon L Infimate
Ei fimkhur nawk zuol theina dingin sawrkar i pawmlo thil thenkhat zuk tarlang ei tih.

A. Ramhnuoimi

1. Dan lo a indin le sawrkar i pawmlo association a member hai chu kum hni jail intang an tih

2. Sawrkar i pawmlo association hai sum a thangpuitu chu kum thum jail intang a tih.

3. Sawrkar i pawmlo association lo thangpuitu, advise-tu chu kum sari jail intang a tih.

4. Rik-in-rapa che hlak terrorist association a member chu kum sawm jail

5. Terrorist organisation supporter chu kum sawm jail

6. Sum a terrorist thangpuitu chu kum sawm le pali jail



B. Silai

1. Silai siemfawm le a mu kawltu le chawilawntu chu kum nga jail intang a tih

2. License bova kawl phallo silai le a mu kawltu chu kum sari jail

3. Sawrkar lekha neilo silai hmangtu chu kum sari jail

4. Silai hmanga mi thattu chu damsung jail.

5.  License nei ve, amiruokchu, awmlo tak le ringhlel thei dinga silai chawi hlak hai khawm Police in an man thei a. An license cancel thei a nih.

6. License silai nei haiin UIN le validity kha check ran ding.

7. "License exempted air gun specification" hriet lova airgun inchawk lo ding.

8. License nei hai khawma license silai zawr, chawilawn, address change, etc. dan le dun hrietchieng a tul.

C. Bomb

1. Firecracker tilo bomb puok thei sukpuoktu chu khaihlum annawle damsung jail intang theina a nih.

2. Bomb sukpuok tumtu, la puok pek lo chu kum sawm jail intang a tih

3. Bomb puok thei kawltu le chawilawntu khawm kum sawm jail intang a tih.

4. Kum thar bomb ei i ti "firecrackers" hi sukpuok thei a nih. Amiruokchu, a hmun le hun a um a. Inchawkna hmun le siethatna hmun a um.

5. Diwali zan dar riet a inthawka dar sawm chen firecrackers bomb khap an nawh.

6. Christmas le New Year zan 11.45 pm to 12.30 am next day chen khap an nawh.

7. Amiruokchu, firecracker hi DC in zawrtu dinga permit a i pek hai "green firecrackers" chau inchawka sukpuok thei a nih.

8. Inneina hmuna hmang ding chu bomb firecrackers 100 kg chen license bovin phal a nih.

9. Public display le celebrations mela, festival lien a ding ruok chun DC permit lak a ngai. Ni sari hma a lo inhriettir lawk a tul.

-Lakhawmtu

Dada le Jojo-pa,
Hmarkhawlien, Cachar, Assam

19.8.2019
Don't Miss
© all rights reserved
made with by Simon L Infimate