Responsive Ad Slot

Hmarram Kohran Inzawmkhawm in Bunghei ṭawngṭaina an nei

Monday, August 19, 2019

/ Posted by Simon L Infimate

CCPur/Hmarram, Aug. 19, 2019, Virthli (ONP): Vawisun hi Hmarram Kohran Inzawmkhawm chun Bunghei ṭawngṭaina hun in a hmanga. Khuo tina um ni khamin zing dar 7 AM a'nthawk zantieng dar 2 PM chen a dingin programme a siem a nih. Tuhin mi a sangtelin tawngṭaina an nei zing a nih.



HMARRAM KOHRAN INZAWMKH WM
Ahun: 19th August,2019
Thawtanni Zing 6:00 Am - 2:00 Pm

A..Lawmthu hrilna dinghai:
1. Lalpa Pathien a neitu hnam ei ni leiin.
2. Lalpa ngaisak hnamhai ei ni a, Manipur Sim thlang a Chanchintha dawng hmasatakhai ei ni leiin.
3. Lalpan Hmarram ei umna dingin a mi ruot pek a, Tipaimukh Contitiency MLA chen nei theia ei um leiin.
4. Ei ram a inthawkin mithiem le milien tamtak ei suok dawk ta lei.
5. Ei ram a inthawkin Pathien rawngbawltu mi pawimaw tamtak le Mission hmun chen ei nei thei ta leiin,
6. Hmarram Kohranhai inthuruola lungril hmunkhata ei um pei leiin.
7. Ei ram sie mek siem tharna dinga Sorkar,VA Khawtlang thuoitu le Kohran hmalakna a fe pei leiin.
B. Suol Thupa chawina dinghai:
1. Pathien Thuthlung tamtak ei lo bawsiet tah a, Hi Khawvel dan anga ei lo inhmang ta leiin.
2. Kohranhaiin Pahien Biekin ei ngaina tanaw leiin.
3. Kohran Dan, Khawtlang Dan le Sawrkar thilkhap tam tak ei bawsietna hai leiin.
4. Pathien ni pawisa loa ei bawsietna hai leiin.
5. Ei fak le dawn zawngna haia, thil inthiengnaw tamtak ei inthangtirna hai leiin.
6. Indikna le Ringumna ei tlasam ta leiin.
7. Kristien thienghlimna hringnun ei suklang zo tanaw leiin.
C. Hnina tawngtai:
1. Hi Bunghei tawngtaina hi Lalpan a mi ngaitlaka malsawmna ei dawng ngeina dingin.
2. HKI thuoituhai Internal, External, Executive Members le Unit thuoituhai po po tadingin.
3. HCLF le Hmar Inpui thuoiuhai tadingin.
4. Sorkar tienga Mipui thuoituhai- MLA, MDC, VA, hai tadingin.
5. Ei ram, Sorkar a Office cheltuhai- D.C, SDO, BDO, le Departments Staff hai.
6. India ram pumpui P.M Modi le Union Ministers, C.M Biren Sing le a Cabinet Ministers.
7. India ram a Ruling Party BJP haiin Mipui hmakhuo ngaia an thuoi na dingin.
8. Hmarram a Kohranhai lai Pahien Thlarau sinthaw a tlung zingna dingin.
9. Hmarram mipui kiem nekin ei pung peina dingin.
10. Hmarramin Lampui, Electrict, Networks le development dang dang thatak ei neina dingin.
11. Ei hmar hnam sûng kohran pawl hrang hranghai inngei tlâng diel diel a ei um pei theina dingin
12. Ei hnam sûng organization hieng Hmar Inpui, HWA, HYA, HSA, HCLF General headquarter le region levela ṭhuoituhai ta dinga ṭâwngṭai pêkna
13. India ram sung le khawvel hmun hrang hranga ei ringtu chanpuihai Krista hminga sukdudana tuor mekhai ta dinga ṭawngṭai pekna
14. Ei biel sûng thalai inchuklaihai,sawrkar sin thaw lei a state dang, khawpuia umhai ta dinga ṭawngaṭaina
15.India ram sûnga christian organizations hieng: EFI, IEM, EFFICOR,NEICORD, NEICC, BSI, Apostolic Indian Mission(AIM) le Youth Meet with a Mission(YWAM) ṭhuoituhai ta ding le hienghai rawngbawlna hi an dar zau pei theina dinga ṭawngṭaina
16. Hmar hnam sûnga kohrana rawngbâwltu popo hai ta dinga ṭawngṭai pêkna
17. Ei hmarram sung lo sinthawtuhai ta ding le lohma suok/ ra lâwmumtak ei sîk theina dingin
18.Ei ṭawngṭai program a bula inthawka a tawp chen Lala mi ṭhuoina leia lâwmthu hrilna

NB: 1. Thuoituhaiin points dang puongna hun hawng pei ding.
2. Unit thuoitu haiin Tawngaina hmun dingah mawphur a tih.
Don't Miss
© all rights reserved
made with by Simon L Infimate