Guwahati, August 19, 2019, Virthli (ONP): Asia rama youth football tournament lientak Subroto Cup International Football Tournament chu zinga inthawk hin Dr. Ambedkar Stadium, New Delhi hmuna inhnel ṭan ning a tih. Hi tournament hi category pahni U-14 le U-17 a ṭhe niin, team 112 lai zet inhnel an ta, international team khawm 16 lai an ṭhang ding a nih.
U-17 Assam Team chu Hmar tleirâwl Hosea Tuolor, S/o Pu Laltuovung Tuolor, Muolhoi chu Captain niin inrawi a tih. Hosea Tuolor hi tuhin Assam Football Academy a um mek niin, inchukna tieng chu Cl-XI (Arts) inchuklai ani a, tukuma Cl-X 1st Division a pass a nih. Tukum hi Assam State Football Academy a hin kum 3 a umna an tah. NEUFC Promotional video a khawm John Abraham hai laia lo inlang phak ve ngat a ni tah.
