Responsive Ad Slot

HSA'n CEM NCHAC inhmupuina nei

Wednesday, August 28, 2019

/ Posted by Simon L Infimate
Haflong, August 28, 2019, Virthli (ONP): Vawitûk Pu Ngamrothang Hmar, Executive Member (EM) NCHAC inrawina hnuoiah Hmar Students' Association (HSA) Assam Hills Joint Headquarters hai chun Pu Debolal Gorlosa, CEM NCHAC inhmupuina nei ani a, HSA Assam Hills Joint Headquarters hmingin Haflong Government College, Haflong-ah HMAR MIL Teacher Post-2 siempek dinga hnina an siem.


Pu Debolal Gorlosa, CEM NCHAC chun HSA Assam Hills Joint Headquarters hai hnina siem chu țha ati a, lawmum a ti thu hrilin Hmar MIL Contractual Teacher/Lecturer Post pahni hi an hma tienga siem/pek ani ding thu hrilin ngenna hi sukpuitling vat dingin thu an tiem bawk a nih.


Haflong Govt. College a hin Hmar MIL Teacher/Lecturer pahni (2) inchuklaihai hmakhuo ngaina leiin HSA chun kum 2011 a inthawk khan a sawr țan a, sum le pai thei ang anga maikhawmin an hlaw hi alo pek hlak a nih. Kum 2015 a inthawk khan Hmar Inpui NC Hills & Karbi Anglong nu le pa hai kuomah HSA Assam Hills in ngenna a siem chu pawmin, NC Hills & Karbi Anglong a College, Higher Secondary Schools le High School haia Hmar MIL Teacher/Lecturer hai chu Hmar Literature Society in Contractual Appointment  pein mi 9 (pakuo) hai chu an hlaw Inpui in pe țanin vawisun chen hin Inpui in an hlaw hai hi a tum tah a nih.


HSA Assam Hills chun hienga CEM in hnam harsatna sawkzangkhai dinga hma a lakpuina le athei dan lampui ang taka College a Hmar MIL Teacher/Lecturer pahni pek ani ngei ding a thu a tiem el hi lawmum an ti hle a, inchuklai hai hmakhuo ami ngai pekna hi HSA chun ropui a tiin inpak um a ti hle a nih.
Don't Miss
© all rights reserved
made with by Simon L Infimate