Parvachawm, August 26, 2019, Virthli (ONP): Vawitûk 6:00AM khan Hmar Kohran Inzawmkhawm (HKI) Parvachawm Unit chun EFCI (North) Biekin ah bunghei ṭawngṭaina an nei.
Hi bunghei tawngtai prokram hi kar liem tah a kha hmang dinga riruong lo siem ani a, amiruokchu Parvachawm khawsung ah siet tuokna leiin vawisûna dinga sawn a lo nih. Hi huna hin Kohran dang dang anthawk member an fe tha hle. Vawizan hin kohran bik um loin ICI Biekin ah hun suktawpna inkhawm um a ta, hi huna hin Pathien thu ngaithlakna le Parvachawm Kristien Thalai Pawl (PKṬP) hai khawmin hlâpawl rem bawk an tih.
