Interviewer : Lrs Puruolte
Hello Joy! A hmasa’n Lawmpuina Chibai Vochuom ka buk che!
* I hun hlu tak i mi pek thei chun Media partner for the Northeast Region Facebook and Instagram dinga ruot/ruoi i nina le inzawmin hohlim inla ka nuom.
Joy Pudaite : Awleh...
* May 17, 2019 a inthawk Media partner for the Northeast Region Facebook and Instagram i zuk ni el tah hi lawmpui i um tak zet a, mi tam tak ngaiven le ngaisang khawm i hlaw hle a, ka Chibai bukna che hi abiktakin hi interview tiemtu hai le NE India a Facebook/Instagram le nang ngainatuhai aia lawmpuina chibai ka buk che ah mi lo pawm pek el la ka nuom.
Joy Pudaite : In mi ditsakna ka lawm khawp el. Sin leia mi ngainatu popo kuomah lungriltakin lawmthu ka hril.
* A hriechieng nuomtu che hai hriet dingin nang le in family chanchin dam mi hril thei i ti?
Joy Pudaite : Kei chu in mi hriet thei dan ding chun W. R Pudaite, Rev. Dr. Rochunga Pudaite a sang naupangtak a nau lutir ka nih. Unau 5 kan na, tuhin kan pa Don Whalen leh kum 10 le ti Mumbai um hnungin Baroda, Gujarat a cheng kan nih. Kan pa hi Canada mi petroleum engineer an'a, tuhin L&T hai leh joint venture an thaw leia Baroda lut kan nih.
* I nina Media partner for the Northeast Region Facebook and Instagram ang hi eini mi ti el inla, NE India mi hrim hrim khawm nisienla an um tah hlak am? Nang hi ieng ti ang taka hung ni thei am i ni a?
Joy Pudaite : Tuchena hin chu eini NE hub a ding chun ei la um hri nawh. Facebook le Instagram haiin Music agent ka ni leiin an mi lo study a lo ni awm. Anni'n an mi hung approach a, thla tam tak negotiation ka thaw hnungin FB le Instagram ta dingin 'eyes, ears and nose' for the Northeastern hub dingin partnership agreement kan siem a nih.
* Khawlai hmun hmun am India ram ah hi ang Media partner hi Facebook le Instagram in a nei a?
Joy Pudaite : North, East, South, West ah an nei vawnga, NE hi tukum an mi focus ṭan chau a nih. An focus nasan khawm hi a hmangtu ei tam ta lei a nih tak.
* Media partner for the Northeast Region Facebook and Instagram i nina leia i thaw ding tak ieng am a ni a?
Joy Pudaite : Ka zuk hril ang hin, FB le Instagram ta dingin an nakawr, mit le hnar NE hub a dingin ka nih. Tuhin zuk hrilfie met inla tulaia ei rama miinlar hlasak thiem Kimkima Ralte (Mizoram) ang dam hi followers an hau em em a, nisienlakhawm language and geographical barrier lei damin an lo hriet fuk naw a. Keiin an hriethiem dan ding le social media an hmang ṭhangkaina dingin an inkara palaiin ka ṭhang. An full potential FB le Instagram a'nthawk dam an phak theina ding le larger audience an reach theina dingin guidance ka pek a nih tak.
* Media partner for the Northeast Region Facebook and Instagram i ni hi lungawium i ti am?
Joy Pudaite : A challenging a chu eini NE region FB le Instagram hmabula ka represent leiin ka lawm. Chun, social media hi ei hmang seng tah a ei nitin nuna hin, sum khawm damna khawp hmu thei a ni tah laizingin eini NE-mihai tadinga guide le mentor ni thei dinga FB le Instagram in ditsakna a mi'n hlan hi ka lawm bek bek a nih. Chu laizing chun mi popo ei va suklawm thei vawng naw a, haters dam ka nei ṭan ve tah a, a kar chang chu ka nui dam a'n za hlak.
* Media partner for the Northeast Region Facebook and Instagram hi ieng chen am ning i ta?
Joy Pudaite : Tuta kan partnership hi chu scope a liena mani ṭhanglak dan i zir ning a tih.
* Sin dang le thaw kawp thei chi a ni am?
Joy Pudaite : Aw, ka sin pangngai thaw zing puma ka thaw a nih. Music agent ka na, foreign bands Gipsy Kings, Bryan Adams, Dub Pistols hai dam hi concert dingin India ah kan hung ṭhuoi hlak. Nisienlakhawm entertainment media in a huop vawng leiin a'nhla bek nawh.
* Media partner for the Northeast Region Facebook and Instagram i nina lei hin lawmman/hlaw dam a um a ni?
Joy Pudaite : A um dan chu tuta ei ram miinlar ka enkawl (manage) hai hin FB le Instagram hai clients um tasa e.g.- Tata, Tetley Tea or Reliance a'nthawk dam contract an hmu phat keiin percentage ka charge ve ve thung a nih. Tukhawm hin hungtlung ding September 17 hin FB Creator Conference Mumbai hmun a nei ding an'a. India rama social media influencers hai popo selection an thaw a, commerce tieng le an platform hmang ṭhangkai tak dan ding FB headquarter a'nthawk ngeiin. Features thar hai dam mipuiin an hmang ṭan hmaa inchûktirna nei ding an'a. Chulaia ṭhang phak ding chun ka enkawl hai pakhat an hung select ve a nih.
* Facebook/Instagram hi ieng ang taka hmang dingin am a hmangtuhai i dit a, pawimaw i ti deu, incha nuom i nei hai chu Media partner for the Northeast Region Facebook and Instagram i nina'n mi dawn la.
Joy Pudaite : Mani editor ei nih seng tawl tah a ei profile a'nthawk hin. Thuthar (news) reng reng hi a'ndik le a'ndiknaw hrietchieng hmain post/share ngai naw inla. Tulai ei khawvel a sie tah leiin FB/Instagram in fact check hi focus a pek nasa tah a, chuleiin a hmangtuhai ka request a nih. Chun, child predators dam hi an um nel nuol a ei ram tieng khawm, nu le pa in nauhaiin an hmang dan, tum an inbiekpui ti hai hi bengvar a ṭha. Chu bakah talent nei hai tadingin hmang ngun le inzak lova nguk taka hmang chun hlawkna ding a tama hihi eini NE miin hrie nawk zuol inla ka nuom.
Interviewer a'nthawk belsap: Joy Pudaite hi Joy Nunthar ti khawma ko hlak le hrietlar a ni a, hmelṭha le pieng nal tak el niin Manipur State Level a Miss Kut 1993 lo ni thei ve ngat a nih. Chun, ama hi rawl ṭha le mawi em em el, hlasak thiem niin India Children's Choir a ṭhangin USA a dam Concert Tour a hai lo fe tah a nih.
Media partner for the Northeast Region Facebook and Instagram ni ding hin May 17, 2019 khan Mumbai hmun ah thawtlangna ding thuthlung (partnership agreement) an ziek a nih. Hi ang eini mi ei um thei hi lawm a umin suong a um tak zet.
A business page - https://www.facebook.com/JoyPudaiteMGMT/
