Responsive Ad Slot

CHILDREN’S DAY

Sunday, July 7, 2019

/ Published by Simon L Infimate
~ Jami Darngawn

Naupanghai Nu le Pahai thu zawm ding: Thuvar 1:8,9 “Ka naupa, I pa inchuktirna hi ngai la, I nu thucha chu nghatsan naw rawh; I lu a chun paráą­hi mawitak ning a ta; I ring vela chun thi ang an ni ding a ni si a”.

Naupang Samuel chu a nu le pa thu a zawma, A nu le Pa’n Pathien rawngbawl dingin Biekin ah Thiempu Eli kuomah an sie a, Pathien leh an inbiek hlaka, Thiempu, Zawlnei le Roreltu a hung ni tah a nih. Nu le Pahai thu thu zawm hi Lalpa lawm zawng a nih a, hnuoia dam sawtna leh Pathien hmangaina leh malsawm dawngna a nih.

Tleirawlte pakhat chu Police-in an man a Court ah an fepuia, Court a Judge chun, “I nu le pa hming iem a na?” tiin an dawna, tleirawlte chun a nu le pa hming a hril a. Judge chun, “I nu le pa ka hriet, mi tha tak an nih. I naupanglaiin I nu le pa thu awi hlak la chu voisunhin hi taka hin hung naw tawp I tih” a ti a nih. Nu leh Pahai leh Sunday School a Hotuhai hin, an naupanghai suol dingin an inchuktir ngai nawh, nu le pahai le Sunday School Hotuhai thuawi lo hai leh Sunday School kai peilohai hi an nih an lienhnung khawma thilsuol thaw hlak, ruk inru hlak, mi insuolpui hlak, zu le drug thaw hlak, Police in an man hlak hai chuh! Chuleiin, nu le pa, Sunday School Hotuhai thu awi hlak ei tiu. Inkhawm, lekha tiem taimang ei tiu. Chuongchun, Ṭhalai thuoitu, Sunday School Hotu, Kohran áą­huoitu, Pastor Pathien rongbawltu, Officer dam ei la hung ni ding a nih.

Nu le Pahai mawphurna: Hi tleirawlte hin Court a Judge hi iengtin am a dawn a? “Pu I hril chu an dik, ka nu le pa chu mi thatak an nih. Ka naupanglai khan an thu zawm hlak lang chu, I court hma a hin ngirnaw tawp ka tih. Sienkhawm, ka nu le pahai khan an áą­awngbau bak chu ka ta dingin hun an nei ngai nawh. School kai dingin an mi tira, an mi enzui hman nawh. Sunday School kai dingin an mi tir a, an mi thuoi ngai nawh. Min fiempui dingin/Bazar le Park a hai mi leng thawvengpui dingin ka fiel hlaka, “Ka buoi, hun ka nei nawh, lo um ve mei mei rawh” ti bak chu dawnna ka hmu ngai nawh.
Naupanghai hin, in fiempui, lengsuokpui kan mamaw ve a, um  mei mei ringawt chu thil harsa a ni si a, ka ning ningin ka lo ning ve a, ruol suol ka lo tawng fuka hienghin ka um tah a nih” tiin a dawn a nih.

Ava pawimaw de aw hi thu hih! Nu leh Pahai hin ei nauhai care na ding hun nekin, mobile fellowship ei hmangpui rawn lem an ta naw maw, ti dam hi inngaituo suoka insiemțhat ei va ṭul de! Nauhaihin nu leh pa kutthli, nu leh pa le fellowship/hun hmang/infiem an thlakhla-in an mamaw a nih.
Author le Editor ni bawk Kevin Miller chun, “Company lien tawk taka Board Chairman ni ding leh ka nuhmei khawm Board member ni dinga fielna kan dawnga. Ka nuhmei leh kan inrawna, hlawkhawm a tam tawk ding a na, ei insung khawsakna chun changkangpha hleng a tih. Nisienlakhawm ei naupanghai ta ding ruokchun hun ei nei tam naw ding a nih. ‘Pathien rawn ei tih’ kan ti a, kan Č›awngČ›aia, a dawnna kan hmu chuh, ‘I nauhai hmangai la, Č›hatakin enkawl rawh’ ti hi a nih. Kan nauhai ta dinga hun kan pekrawn thei lem na ding a ni phawt chun tiin kan sin pangngai hi hlaw tlawmte khawm nisien kan thlang lem a nih” a tih.

Mihaihin an nauhai hi an lo va ngaipawimaw de aw! “Inkhawma fe rawh” ti lovin hung rawh inkhawm dingin fe tlang ei tih, ti a fepui hlak ding a nih. Infiem/inhnelpui/Bazarpui na ding haiin hun khawm pek hlak ding a nih. Nu leh Pahai panglum hi nauhaihin an mamaw a nih.

Mipakhat chun, mi ina ka leng changin, ‘In naupanghai teh?’ tia kan dawn phat, mi tam takin, ‘Ka hrietnawh khawlai a leng ning a tih’ an ti hin, ka lungril a lo na lem hlak a nih” a tih. Ei naupanghai umna hi ei hriet ding a nih. Ka nau chuh tuhai in am a leng a? Tuhai lem an inpawl a? A him tawk am? Tihai hi ei hriet ding a nih. Ei nauhai hi, zinga áą­huoitu ding, ei insung le Kohran a hai roreltu ding le nu le pahai mi la dawmhlum tu ding, an ni leiin an va pawimaw de! Siem hun a ni lai hin an ta dingin hun perawn ei tiu.

Teacher: 1) Naupang Sunday School Hotuhai hi naupanghai laka an mawphurna hi iem a ni aw? Iem an lawmman ni veng a ta? tia hi sermon ka zieklaia ka lungrila dawnna hung lut chu: “Talent kawltuhai ang an nih, naupanghai áą­hataka an enkawla, ka thutak hrietnaah an thuoiluta, an inchuktira, an sukpung a ni chun, ‘Suokáą­ha le ringum I thaw áą­ha ie, tlawmte chunga ring I uma, tamtak chungah in umtir ka ti che, I pu lawmnaah lut rawh’, tiin malsawm ka tih” ti hi keimaah a thu a hung tlung a nih.

Teacherhai hi nu le pa dawttu in nih. Chulaizingchun, nu le pahai hril nekin Sikul le Sunday School a hotuhai hril hi an dikah an pawm lem a nih. I tu suol vei chun, ra áą­ha lo an niah a hung ra suok ding a nih! I ziel hawplai, I zudawn lai, I khelhrillai an hmu a, an hriet chun, mak ti ngawt an ti che! A hnungah thawve pawisak lona hung nei an ta, “Kan houtu nu/pa khawma a thaw ve an nawm” tiin an damsung nun I vuoksiet thei a nih. Pathienthu inchuktir ang taka I nuna I phursuok a ni chun, chu ding chun hungin buotsai ve ngei ngei an tih. Chu chu a nih Thuvar 22:1 in, “Naupang chu a hraw ding lampui chu inchuktir la, a hung upat hnung khawma chutaka inthawk chun pet ngai naw nih” a ti chuh. Teacherhai hi ei va pawimaw ngei de!

Awleh Children’s Day leh inzawma, Naupanghai, Nu leh Pa leh Naupang Hotuhai zawm dinga áą­ha leh mawphurna ei tarlanghai chu ei chan sengah Lalpa'n mal mi sawm pek raw seh.
Don't Miss
© all rights reserved
made with by Simon L Infimate